Тоҷикистон дар Намоишгоҳи байналмилалии сайёҳии «MITT – 2023» иқтидори сайёҳии худро муаррифӣ намуд
ДУШАНБЕ, 18.03.2023 /АМИТ «Ховар»/. Аз 16 то 18 март дар шаҳри Москваи Федератсияи Русия Намоишгоҳи байналмилалии сайёҳии «MITT- 2023» баргузор гардид, ки дар он намояндагони Кумитаи рушди сайёҳии назди Ҳукумати Ҷумҳурии Тоҷикистон якҷо бо ширкатҳои сайёҳӣ ва осоишгоҳу табобатгоҳҳои мамлакат имконияти сайёҳи ҷумҳуриро муаррифӣ намуданд. Дар ин хусус ба АМИТ «Ховар» дар Кумитаи рушди сайёҳии мамлакат иттилоъ доданд.
Дар намоишгоҳи мазкур гӯшаи сайёҳии Тоҷикистон дар масоҳати 24 метри мураббаъ ташкил шуд, ки дар он иқтидори бойи табиӣ, сайёҳии табобатию солимгардонӣ ва имконияти машғулият бо намудҳои туризми варзишию кӯҳнавардӣ, фарҳанги нодир ва тамаддуни қадимӣ инъикос гардид.
Иштирок дар чунин намоишгоҳи байналмилалӣ имкон медиҳад, ки ҷалби сайёҳони хориҷӣ ба ҷумҳурӣ бештар гардида, инчунин барои васеъ гаштани ҳамкорӣ бо давлатҳои аз ҷиҳати сайёҳӣ пешрафта заминаи мусоид фароҳам оварда шавад.
«MITT-2023» бузургтарин намоишгоҳи сайёҳӣ дар Русия дар сатҳи «Туризм ва фароғат» буда, он платформаи тиҷоратии байналмилалӣ барои кишварҳо, минтақаҳо ва ширкатҳои сайёҳии тамоми ҷаҳон мебошад, ки маҳсулот ва хизматҳои худро дар бозори Русия муаррифӣ мекунанд.
Ширкатҳои сайёҳӣ ва меҳмонони намоишгоҳ имкон пайдо намуданд, ки бо намояндагони ассотсиатсияҳои ҷаҳонии сайёҳӣ, танзимгарони соҳа вохӯрию суҳбат доир намуда, муштариён ва шарикони нав пайдо кунанд ва ҳамкориро бо мақсади рушди туризм тақвият бахшанд.
АКС: Кумитаи рушди сайёҳӣ
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
