Беморхонаи марказии ноҳияи Мастчоҳ бо технологияи муосири иттилоотӣ таъмин гардид
![](https://khovar.tj/wp-content/uploads/2023/04/Bemorhonai-markazii-nohiyai-Mastchoh.jpg)
ДУШАНБЕ, 16.04.2023 /АМИТ «Ховар»/. Беморхонаи марказии ноҳияи Мастчоҳ бо таҷҳизоти муосири иттилоотӣ таъмин карда шуд, хабар медиҳад АМИТ «Ховар».
Баробари насби таҷҳизоти иттилоотӣ дар беморхона табибон метавонанд минбаъд онлайн-машварат ва табодули ҳамкорӣ бо дигар беморхонаҳои ҷумҳуриро дар сатҳи зарурӣ ба роҳ монанд.
Таҷҳизоти иттилоотӣ бо мақсади рушди босуръати технологияҳои иттилоотӣ, беҳтар намудани хизматрасонии рақамии давлатӣ, инчунин афзоиши самаранокии пешниҳоди хизматрасонӣ ба аҳолӣ дар доираи кумакҳои башардӯстонаи шарикони рушд дастрас карда шудааст.
АКС: Дафтари матбуоти Раиси ноҳияи Мастчоҳ