Дар Хуҷанд бо мақсади рушди нақлиёти ҷамъиятӣ хариди электробусҳои замонавӣ дар назар аст
ДУШАНБЕ, 06.04.2023 /АМИТ «Ховар»/. Дар маркази вилояти Суғд татбиқи Лоиҳаи «Рушди нақлиёти ҷамъиятии шаҳри Хуҷанд» идома дошта, панҷ марҳиларо дар бар мегирад, ки арзиши он дар маҷмуъ 26 миллиону 840 ҳазор доллари амрикоиро ташкил медиҳад. Дар ин хусус ба хабарнигори АМИТ “Ховар” директори генералии Корхонаи воҳиди давлатии коммуналии «Нақлиёти мусофиркашони шаҳри Хуҷанд» Музаффар Раҳимхӯҷаев иттилоъ дод.
Номбурда таъкид намуд, ки то имрӯз се марҳилаи лоиҳа пурра татбиқ шудааст.
Соли 2018 дар доираи лоиҳаи мазкур ба Корхонаи воҳиди давлатии коммуналии «Нақлиёти мусофиркашони шаҳри Хуҷанд» 100 автобуси замонавӣ ворид карда шуд.
Соли 2020 ҷорӣ намудани системаи пардохти ғайринақдии роҳкиро ва назорати кори автобусҳо бо арзиши 311 ҳазор доллари амрикоӣ амалӣ гардид.
Дар айни замон корҳо дар қисматҳои боқимондаи лоиҳа, ки асосан навсозии бинои маъмурӣ ва маркази таъмири автобусҳои Корхонаи воҳиди давлатии коммуналии «Нақлиёти мусофиркашони шаҳри Хуҷанд»- ро дар бар мегирад, идома дорад. Иншооти мазкур солҳои 70-уми асри гузашта сохта шуда, ҳолати ногувор дошт.
Муҷаҳҳазсозии иншооти мазкур бо таҷҳизоти зарурӣ низ дар доираи ҳамин лоиҳа сурат мегирад.
Ба таъкиди роҳбарияти корхона, дар доираи маблағҳои сарфашуда аз ҳисоби лоиҳа хариди электробусҳои замонавӣ дар назар аст.
Ҳоло 20 автобуси корхона дар 2 хатсайр ба мусофиркашонӣ машғуланд.
Даҳаи дуюми моҳи апрели соли равон дар хатсайрҳои №4 ва №5 низ мусофирбарӣ тариқи автобусҳои корхонаи мазкур ба роҳ монда мешавад.
Мутахассисони корхона ба он боваранд, ки бо таҷдиди хатсайрҳо ва фаъолияти пурраи автобусҳо, инчунин ворид гардидани электробусҳои нав дар шаҳри Хуҷанд расонидани хизмат ба сокинону меҳмонон беҳтар мешавад.
АКС: Корхонаи воҳиди давлатии коммуналии «Нақлиёти мусофиркашони шаҳри Хуҷанд»
Дар Душанбе «Маҳфили ҷавононе, ки дар хориҷи кишвар таҳсил доранд» баргузор гардид
ШАҲОДАТНОМАИ ТАВАЛЛУД. Ҳар шахс дар мавриди бақайдгирии давлатии таваллуд ба насаб, ном ва номи падар ҳуқуқ дорад
НОМИ НАКӮ-НИСФИ ҲУСН. «Феҳристи номҳои миллии тоҷикӣ» мардуми моро бо ному насаби миллӣ ба оламиён муаррифӣ менамояд
«ҶОЙГОҲИ ЗАН-МОДАР ДАР ПЕШБУРДИ ОИЛА БЕНАЗИР АСТ». Дар Шаҳринав ҳамоиши фарҳангӣ-маърифатӣ доир гардид
Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
25 январ — Рӯзи кормандони соҳаи меҳнат ва ҳифзи иҷтимоии аҳолӣ
Дар Академияи миллии илмҳои Тоҷикистон дар мавзуи ҷашни Сада конференсияи илмӣ-амалӣ баргузор шуд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир гардид
Дар назди Литсейи касбии техникии шаҳри Бохтар Маркази шуғли фосилавӣ ифтитоҳ гардид
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
