Дар маҳаллаи «Навбаҳор»-и Хуҷанд Маркази ташхисию табобатии «Садаф» ба истифода дода мешавад
СУҒД, 09.04.2023 /АМИТ «Ховар»/. Дар доираи корҳои созандагӣ ба истиқболи 35-солагии Истиқлоли давлатии Ҷумҳурии Тоҷикистон дар маҳаллаи «Навбаҳор»-и шаҳри Хуҷанд Маркази ташхисию табобатии «Садаф» бунёд мегардад, хабар медиҳад мухбири минтақавии АМИТ «Ховар» Саъдулло Маҳкам бо истинод ба Хадамоти матбуоти Раиси вилояти Суғд.
Ин иқдом аз ҷониби муассиси ҶДММ «Садаф» Наимҷон Тӯраев гирифта шуда, ояндаи наздик баъди ба истифода додани он дар ин Маркази ташхисию табобатӣ маҷмуи васеи хизматрасонии тиббӣ, аз қабили ҷарроҳии эстетикии ҷоғу рӯй, гузоштани имплантат, дармонгоҳи кӯдакона, шуъбаи асаб, шуъбаи бемориҳои дил ва ғайра ба роҳ монда мешавад. Ба марказ мутахассисони баландпояи соҳа ҷалб карда мешаванд. Дар оянда 40 соҳибтахассус дар ин марказ бо кори доимӣ ва маоши хуб таъмин карда мешавад.
Бинои Марказ аз 4 ошёна ибора буда, корҳои асосии сохтмонӣ ба анҷом расида, корҳои пардозкунӣ оғоз гардидаанд.
6 апрел зимни боздид аз ин мавзеъ роҳбарияти вилоят ва шаҳр ба соҳибкор Наимҷон Тӯраев ҷиҳати иқдоми нек ва дар ояндаи наздик фароҳам овардани шароити мусоиди ташхису табобат барои сокинон изҳори миннатдорӣ намуда, ба соҳибкор баҳри беҳтар намудани шароиту имконияти беҳтари хизматрасонӣ дар ин маркази тиббӣ тавсияҳои муфид доданд.
Бояд гуфт, ки соҳибкорӣ яке аз бахшҳои муҳим ба ҳисоб рафта, ба рушди он аз ҷониби Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон пайваста аҳамият дода мешавад. Дар ин раванд баҳри беҳтар кардани фазои сармоягузорӣ якчанд дастгириҳо пешбинӣ гардида, дар Паёми қаблии Пешвои миллат солҳои 2022‐2026 Солҳои рушди саноат эълон гардид.
АКС: Хадамоти матбуоти Раиси вилояти Суғд
«ПАРЧАМИ ИФТИХОР ДАР ҲАР ХОНА». Дар Хуҷанд таҳти чунин унвон иқдоми худшиносӣ амалӣ мегардад
СОЛИ ОБОДОНИЮ СОЗАНДАГӢ. Дар Ҷамоати деҳоти Урметани ноҳияи Айнӣ ду пойгоҳи обкашӣ ба истифода дода шуд
Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
Бо иштироки занону духтарони вазорату идораҳо иқдоми ҷумҳуриявии «Тоҷикона мепӯшем!» доир гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илми ҳуқуқшиносӣ ҳамоиш доир шуд
ОБОД СОХТАНИ ВАТАН ИБОДАТ АСТ! Соҳибкори маҳаллӣ дар ноҳияи Темурмалик барои ду ҳамдеҳааш хона сохт
Дар шаҳри Ҳисор маҳфил-озмуни «Тоҷикистони ман!» баргузор мешавад
«СУҒД — ЧОРРОҲАИ РОҲИ БУЗУРГИ АБРЕШИМ». Дар Суғд форуми сеюми байналмилалӣ доир мегардад
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
ИМРӮЗ — РӮЗИ УМУМИҶАҲОНИИ САЛОМАТӢ. Шоҳсутуни асосии саломатӣ варзиш, ғизои хуб ва хоб аст
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Панҷакент 200 иншооти ҷашнии иловагӣ сохта мешавад
