Дар ноҳияи Айнӣ давоми панҷ сол қариб 600 иншооти гуногун бунёд мегардад
ДУШАНБЕ, 30.04.2023 /АМИТ «Ховар»/. Дар ноҳияи Айнӣ бо мақсади дар сатҳи баланд ҷашн гирифтани 35-солагии Истиқлоли давлатии Ҷумҳурии Тоҷикистон тибқи нақшаи мақомоти иҷроияи ҳокимияти давлатии ноҳия давоми 5 сол сохта, ба истифода додани 595 иншоот ба маблағи умумии 178 миллиону 655 ҳазор сомонӣ бо таъсиси 853 ҷойи нави кор дар назар дошта шудааст. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Ба иттилои манбаъ, соли 2022 сохта ба истифода додани 119 иншоот пешбинӣ гардида буд, ки амалан 133 иншоот ва дар семоҳаи аввали соли равон 22 иншоот мавриди баҳрабардорӣ қарор гирифт.
Бояд гуфт, ки роҳбарияти вилояти Суғд бо мақсади шиносоӣ бо ҷараёни бунёдкорӣ ва иштирок дар маросими ифтитоҳи иншооти гуногуни иҷтимоӣ ба ноҳияи Айнӣ сафари корӣ анҷом дод. Роҳбарияти вилоят бо сохтмони иншооти соҳаи тандурустӣ ва фарҳанг шинос гардид.
Дар деҳаи Урметани Ҷамоати деҳоти Урметан роҳбари вилоят сохтмони бинои нави Беморхонаи минтақавии № 2-ро мавриди таваҷҷуҳ қарор дод. Ин беморхона солҳои 50-уми қарни гузашта сохта шуда, ба 7деҳаи ҳудуди ҷамоат хизмат мерасонад. Бо назардошти кӯҳна гардидан ва дар ҳолати садамавӣ қарор доштан сохтмони бинои нави беморхона бо 40 кат идома дорад.
Бинои нав аз ду ошёна ва таҳхона иборат буда, корҳои сохтмониро ҶДММ «Тоҷик-Элит-Сохтмон»-и шаҳри Душанбе ба уҳда гирифта, дар айни замон қариб ҳафтоду панҷ фисади корҳо иҷро шудааст.
Дар доираи корҳои ободониву созандагӣ навсозии бинои хонаи фарҳанги деҳаи Урметан низ шуруъ гардидааст. Толори асосии иншооти фарҳангӣ дорои 300 ҷои нишаст мебошад. Хонаи фарҳанг бо зиёда аз 3 миллион сомонӣ навсозӣ гардида, ҳоло ҳаштод дарсади корҳо ба анҷом расонида шудааст.
Ҳамзамон дар назди муассисаи таҳсилоти миёнаи умумии №2-и деҳаи Урметан бо маблағузории Мақомоти иҷроияи ҳокимияти давлатии вилояти Суғд бунёди толори варзишӣ ҷараён дорад.
АКС: Хадамоти матбуоти Раиси вилояти Суғд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
