Дар Женева вохӯрии вазирони давлатҳои аъзои Барномаи махсуси СММ оид ба иқтисоди Осиёи Марказӣ баргузор шуд
ДУШАНБЕ, 18.04.2023 /АМИТ «Ховар»/. 17 апрел дар Женева ҷаласаи вазирони Барномаи махсуси Созмони Милали Муттаҳид /СММ/ оид ба иқтисоди Осиёи Марказӣ (SPECA) дар доираи ҷаласаи 70-уми Комиссияи иқтисодии Созмони Милали Муттаҳид барои кишварҳои Аврупо (UNECE) баргузор гардид, ки дар он Тоҷикистонро муовини Вазири рушди иқтисод ва савдои ҷумҳурӣ намояндагӣ намуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ иттилоъ медиҳад.
Ҷаласа таҳти раёсати Ҷумҳурии Озарбойҷон бо ибтикори СММ ва Комиссияи СММ оид ба масъалаҳои иқтисодӣ ва иҷтимоӣ барои давлатҳои Осиё ва ҳавзаи уқёнуси Ором (UN ESCAP) баргузор шуда, зимни он масъалаҳои вобаста ба дурнамои асосии ҷустуҷӯи диверсификатсияи роҳҳои транзитӣ ва қабули Харитаи роҳ дар ин самт, мусоидат ба тиҷорату нақлиёт, рақамикунонӣ ва иқтисоди “сабз” дар минтақа, ҳамчунин таъсиси фонд ва котиботи SPECA баррасӣ шуд.
Муовини Вазири рушди иқтисод ва савдои Ҷумҳурии Тоҷикистон ба ҳайси роҳбари гурӯҳи кории СПЕКА оид ба савдо гуфт, ки бо шарофати дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба ин самтҳо дар ҷумҳурӣ корҳои назаррас анҷом дода шуд.
Ҳамзамон мавсуф доир ба мавқеи ҷумҳурӣ бо назардошти манфиатҳои иқтисодӣ ибрози назар намуд.
Ҳамчунин ҷиҳати таҳкими ҳамкории минбаъдаи давлатҳои аъзои СПЕКА дар фарҷоми ҷаласа «Эъломияи вазирон» барои баррасӣ пешниҳод гардид.
Дар ҷаласа намояндагон ва коршиносони дигар созмонҳои байналмилалии муқими Женева иштирок намуданд.
Бояд тазаккур дод, ки соли равон Ҷумҳурии Озарбойҷон роҳбарии СПЕКА-ро ба уҳда дошта, якчанд чорабинӣ, аз қабили Шӯрои роҳбарикунанда ва Форуми иқтисодии Барномаро баргузор менамояд.
АКС: Вазорати руши иқтисод ва савдои Ҷумҳурии Тоҷикистон
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
