ДАЪВАТИ БАҲОРӢ. Навдаъватони ноҳияи Варзоб ба ҳимояи марзу буми Тоҷикистон ҷалб гардиданд
ВАРЗОБ, 06.04.2023. /АМИТ «Ховар»/. Дар майдони Парчами давлатии ноҳияи Варзоб бахшида ба Рӯзи даъватшаванда таҳти унвони «Ҳимояи марзу буми аҷдодӣ барои ҳар яки мо ҳам қарз ва ҳам фарз аст!» маросими тантанавӣ баргузор шуд. Дар он роҳбарияти ноҳияи Варзоб, мақомоти ҳифзи ҳуқуқ, собиқадорони ҷангу меҳнат, роҳбарони ташкилоту муассисаҳо, даъватшавандагону волидайни онҳо иштирок намуда, зиёда аз 28 даъватшавандаро ба сафи Қувваҳои Мусаллаҳи Ҷумҳурии Тоҷикистон гусел намуданд. Дар ин хусус мухбири минтақавии АМИТ «Ховар» Субҳониддини Маҳмуд бо истинод ба Мақомоти иҷроияи ҳокимияти давлатии ноҳияи Варзоб хабар медиҳад.
Масъулини ноҳияи Варзоб иброз доштанд, ки «мояи ифтихор ва сарбаландии мо аст, ки бо талошҳои Президенти Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон давлати соҳибистиқлоламон соҳиби Артиши миллии бонизом гардид. Имрӯзҳо суханони Пешвои маҳбуби миллат тавонбахши руҳу ҷони ҳар фарзанди содиқ ба Ватананд, ки чунин гуфтанд: «Хизмат дар сафи Қувваҳои Мусаллаҳи Ҷумҳурии Тоҷикистон баёнгари ору номуси баланди ватандӯстии ҳар ҷавонмард ба ҳисоб меравад. Зеро Ватан ва ҳимояи марзу буми аҷдодӣ барои ҳар яки мо ҳам қарз ва ҳам фарз аст!»
Модарони навдаъватон миннатдории хешро ба Президенти мамлакат муҳтарам Эмомалӣ Раҳмон ҷиҳати фароҳам овардани шароити мусоид дар сафи Қувваҳои Мусаллаҳи Ҷумҳурии Тоҷикистон баён намуда, изҳор доштанд, ки «мо фарзандонамонро дар руҳияи ватандӯстӣ тарбия намуда, имрӯз барои ҳимояи Ватани азизамон бо дуои хайри модарона гусел намудем. Бо боварӣ гуфта метавонем, ки фарзандони мо содиқона ватани азизамонро аз душман ҳимоя мекунанд».
Дар ҷамъомад ба як гурӯҳ наваскароне, ки курси ронандагии Ташкилоти ҷамъиятии «Мададгори мудофиа» – ро хатм намудаанд, шаҳодатномаи ронандагӣ супорида шуд. Ҳамчунин иштирокчиёни чорабинӣ машқҳои низомии сарбозонро тамошо карда, ба онҳо баҳои баланд доданд.
Чун анъана, дар анҷоми маърака маросими «Кулчагазон» доир гардида, баҳри болидахотирии наваскарон барномаи консертии санъаткорони ноҳия баргузор шуд.
АКС: Мақомоти иҷроияи ҳокимияти давлатии ноҳияи Варзоб
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
