ОМОДАГӢ БА МАВСИМИ НАВИ ОБЁРӢ. Пойгоҳи обкашии рақами 1-и ноҳияи Ашт фаъол гардонида шуд
СУҒД, 07.04.2023 /АМИТ «Ховар»/. Омодагӣ ба мавсими нави обёрӣ дар ноҳияи Ашт пурра анҷом ёфта, пойгоҳи обкашии АНС-1-и ноҳия фаъол гардид, хабар доданд ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси ноҳияи Ашт.
Барои пурра омода кардани иншооти обрасонии ноҳия аз ҷониби Мақомоти иҷроияи ҳокимияти давлатии вилояти Суғд 700 ҳазор сомонӣ ва Мақомоти иҷроияи ҳокимияти давлатии ноҳияи Ашт 300 ҳазор сомонӣ равона гардида, аз ҷониби Раёсати беҳдошти замин ва обёрии вилоят 8,5 тонна сӯзишворӣ ва 4,5 тонна равған дастрас карда шуд.
3 апрел роҳбарияти ноҳияи Ашт аз пойгоҳи обкашии АНС-1-и ноҳия дидан карда, онро фаъол карданд. Аз ҷониби Ассотсиатсияи истифодабарандагони об низ як қисм маблағ пешпардохт гардидааст.
Пойгоҳи обкашии АНС-1 пойгоҳи асосӣ маҳсуб шуда, 18 ҳазор гектар замини ноҳия маҳз тавассути он обёрӣ карда мешавад.
Раиси ноҳия ба масъулин барои комилан дуруст, самаранок ва эҳтиёткорона истифода кардани ҳавзҳои обгирии пойгоҳи обкашӣ ва муҳаррикҳои он супориш дод.
АКС: Хадамоти матбуоти Раиси ноҳияи Ашт
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
