ТАШАББУСҲОИ БАЙНАЛМИЛАЛИИ ТОҶИКИСТОН ДАР САМТИ ОБУ ИҚЛИМ. Дар Душанбе доир ба он конфронс баргузор шуд
ДУШАНБЕ, 06.04.2023. /АМИТ «Ховар»/. Имрӯз дар Маркази тадқиқоти стратегии назди Президенти Ҷумҳурии Тоҷикистон дар мавзуи «Ташаббусҳои байналмилалии Ҷумҳурии Тоҷикистон дар самти обу иқлим: аз ибтикорот то амал» Конфронси илмӣ-амалии ҷумҳуриявӣ баргузор гардид, ки дар он олимону коршиносон иштирок доштанд.
Конфронсро директори Марказ оғоз намуда, ҳадаф аз баргузории онро арзёбии қарори Маҷмаи Умумии Созмони милали Муттаҳид оид ба Соли байналмилалии ҳифзи пиряхҳо эълон гардидани соли 2025 ва Рӯзи ҷаҳонии пиряхҳо унвон кардани 21 март, ки ташаббусгузори ин пешниҳодҳо Ҷумҳурии Тоҷикистон маҳсуб мешавад, номид.
Гуфта шуд, ки Тоҷикистон дар баррасии мушкилоти об дар ҷаҳон давлати пешоҳанг ва ташаббускори ғояҳои ҷаҳонии обу иқлим эътироф гардида, ташаббусҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин соҳа дар рӯзномаи обии СММ «Раванди оби Душанбе» ном гирифтааст.
Соли 2023 аз саъю талошҳои Ҳукумати ҷумҳурӣ дар пешбурди рӯзномаи оби Созмони Милали Муттаҳид 20 сол сипарӣ гардида, дар ин муддат дар асоси ташаббусҳои Президенти Ҷумҳурии Тоҷикистон муҳтарам Эмомалӣ Раҳмон аз ҷониби ин созмони бонуфузи ҷаҳонӣ чанд қатънома қабул гардидааст.
Дар кори конфронс тазаккур дода шуд, ки қабули ин қатъномаҳо ва баргузории ҳамоишҳои сатҳи баланд дар асоси ташаббусҳои ҷаҳонии Пешвои миллат аз он шаҳодат медиҳад, ки иқдомҳои ҷониби Тоҷикистон воқеан дар ҳалли масъалаҳои обу иқлим ҳадафҳои неку созандаи зиёдро дар пай доранд ва ҳамагӣ барои ҳифзи ояндаи сайёра равона гардидаву баҳри рушди оянда ҳадафҳои мушаххас доранд.
Ба гуфтаи баромадкунандагони конфронс, ин ташаббусҳо, бешубҳа, дар тавсеа ва тақвияти имиҷи мусбати Ҷумҳурии Тоҷикистон ҳамчун яке аз давлатҳои саҳмгузор дар татбиқи иқдомҳои башардӯстона нақши назаррас дорад.
Ҳамзамон дар доираи нишаст натиҷаҳои Конфронси оби СММ, ки таҳти раёсати Президенти Ҷумҳурии Тоҷикистон ва Шоҳи Нидерланд 22-24 марти 2023 дар шаҳри Ню-Йорк сурат гирифт, мавриди таҳлилу баррасӣ қарор дода шуд.
Бояд гуфт, ки Конфронси дуюми Созмони Милали Муттаҳид оид ба Шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор», солҳои 2018-2028 низ ҳамчун давоми ташаббусҳои давлати мо дар шароит ва вазъияте доир шуд, ки мушкилоти вобаста ба об ва иқлим ба яке аз хатарҳои ҷиддӣ барои инсоният табдил ёфта, рӯз то рӯз ҳаёти инсону табиатро зери таҳдиди нобудшавӣ қарор дода истодааст. Яъне, имрӯз хатари тағйирёбии босуръати иқлиму мушкилоти об ба инсоният камтар аз хатарҳои дигари мушкилоти муосири ҷаҳонӣ нест.
Ин аст, ки Тоҷикистон имрӯз яке аз давлатҳои пешсаф дар самти татбиқи дипломатияи об дар ҷаҳон шинохта шудааст.
Шаҳлои САДРИДДИН,
АМИТ «Ховар»
АКС: АМИТ «Ховар»
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Ҳоким Холиқзода бо муовини якуми Дабири кулли Созмони Милали Муттаҳид Амина Муҳаммад мулоқот намуд
Муовини якуми Сарвазири мамлакат Ҳоким Холиқзода дар чорабинии канории Тоҷикистон дар қароргоҳи СММ иштирок намуд
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
РАВАНДИ ОБИ ДУШАНБЕ – ВАСИЛАИ МУҲИММИ ГУСТАРИШИ ҲАМКОРИИ ҶОМЕАИ ҶАҲОН
Дар Австрия оид ба Раванди оби Душанбе маълумоти муфассал пешниҳод гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
Президенти Гурӯҳи Бонки исломии рушд Муҳаммад Сулаймон Ал-Ҷассер бо НБО-и «Норак» шинос шуд
