Ҳайати Тоҷикистон дар Форуми 11-уми байналмилалии ҳуқуқшиносони Санкт-Петербург иштирок намуд
ДУШАНБЕ, 15.05.2023 /АМИТ «Ховар»/. 12 май дар шаҳри Санкт-Петербурги Федератсияи Русия дар ҳошияи Форуми 11-уми байналмилалии ҳуқуқшиносон мулоқоти дуҷонибаи директори Хадамоти федеролии иҷрочиёни суди Федератсияи Русия Дмитрий Аристов бо Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода баргузор гардид. Дар ин хусус ба АМИТ «Ховар» дар Хадамоти иҷрои назди Ҳукумати Ҷумҳурии Тоҷикистон хабар доданд.
Зимни мулоқот ҳолат ва дурнамои муносибатҳои ҳамкорӣ байни ду мақомот, аз ҷумла тақвияти ҷараёни ба имзо расонидани «Ёддошти тафоҳум оид ба ҳамкорӣ байни Хадамоти иҷрои назди Ҳукумати Ҷумҳурии Тоҷикистон ва Хадамоти федеролии иҷрочиёни суди Федератсияи Русия дар самти истеҳсолоти иҷро» мавриди баррасӣ қарор гирифт.
Дар мулоқот вобаста ба масъалаҳои мавриди таваҷҷуҳи тарафайн табодули афкор доир шуда, ҷонибҳо ба мувофиқа расиданд, ки ҳамкории байниидоравиро дар доираи ин санади ҳамкории муштарак боз ҳам густариш диҳанд.
Ҳамзамон ҷонибҳо омодагии ҳамешагии худро барои рушди ҳамкории судманд дар самти истеҳсолоти иҷро изҳор намуданд.
Ёдовар мешавем, ки 11-13 май дар Санкт-Петербург Форуми 11-уми байналмилалии ҳуқуқшиносон баргузор шуд, ки дар он ҳайати Хадамоти иҷрои назди Ҳукумати Ҷумҳурии Тоҷикистон иштирок намуд.
Форуми мазкур аз ҷониби Вазорати адлияи Федератсияи Русия якҷо бо Фонди «Росконгресс» баргузор гардида, дар он ҷаласаи мубоҳисавӣ аз ҷониби Хадамоти федеролии иҷрочиёни суди Федератсияи Русия бо иштироки роҳбарони мақомоти иҷрои маҷбурӣ дар мавзуи «Фаъолияти касбии ситонандагон» баргузор шуд, ки ба фаъолияти ҳаррӯзаи иҷрочиён вобастагӣ дошт.
Форум тайи солҳои охир ба макони махсус барои муҳокимаи масъалаҳои мубрами рушди институти истеҳсолоти иҷро ва иҷрои иҷборӣ табдил ёфта, мақсади асосии он таҷдид ва ҳамоҳангсозии низомҳои истеҳсолоти иҷрои давлатҳо мебошад.
Зимни баргузории Форум иштироккунандагон бо таҷрибаи татбиқи ҳуқуқи дигар давлатҳо шинос шуда, оид ба низоми гуногуни истеҳсолоти иҷро ва мақсаднокии ҷорӣ намудани чораҳои нави таъсиррасонӣ ба қарздор, инчунин таҳлил ва арзёбии самараноки механизмҳои дар ин соҳа амалигардида мубодилаи афкор намуданд.
Дар баробари ин бо иштироки муовини котиби Шӯрои амнияти миллии Федератсияи Русия Дмитрий Медведев ҷаласаи пленарӣ дар мавзуи «Истиқлолият дар ҳуқуқ» доир гардид.
АКС: Хадамоти иҷрои назди Ҳукумати Ҷумҳурии Тоҷикистон
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
