БАХШИДА БА РӮЗИ ҶАВОНОНИ ТОҶИКИСТОН. Дар Донишгоҳи миллии Тоҷикистон барномаи фарҳангӣ ва роҳпаймоии осоишта доир шуд
ДУШАНБЕ, 18.05.2023. /АМИТ «Ховар»/. Имрӯз дар Донишгоҳи миллии Тоҷикистон бахшида ба Рӯзи ҷавонони Тоҷикистон барномаи тарбиявию фарҳангии «Ҷавонон – пайравони Пешвои миллат» доир гардид. Барнома бо баргузор намудани роҳпаймоии осоиштаи устодону донишҷӯёни донишгоҳ шуруъ гардид. Ҳамзамон намоиши дастовардҳои илмию варзишӣ ва фарҳангии ячанд факултетҳо ба маърази тамошо гузошта шуд. Дар ин хусус ба АМИТ «Ховар» дар донишгоҳи мазкур хабар доданд.
Дар барнома роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, роҳбарияти Кумитаи иҷроияи ҲХДТ дар шаҳри Душанбе, Раёсати кор бо ҷавонон ва варзиши шаҳри Душанбе ва ҷавонон-донишҷӯёни соҳибистеъдоду навовари донишгоҳ, муҳаққиқон, олимони ҷавон ва раисони ниҳодҳои ҷамъиятӣ иштирок намуданд.
Зимни ифтитоҳ ректори донишгоҳ, профессор Қобилҷон Хушвахтзода дар робита ба сиёсати давлатии ҷавонон ва дастовардҳои солҳои охири ҷавонон-донишҷӯёни донишгоҳ сухан гуфта, саҳми ҷавононро дар рушди донишгоҳ назаррас арзёбӣ намуд.
«Донишгоҳи миллии Тоҷикистон ҳамчун муассисаи бузурги таълимӣ дар тӯли фаъолияти худ ба ҳазорҳо ҷавонони бонангу номуси миллат дониш омӯхта,онҳоро барои пешрафти иқтисодиёти миллӣ, ҳимояи марзу буми Ватан, муаррифии миллат дар арсаи байналмилалӣ ҷалб намудааст. Шумо низ, ҷавонони азиз, бояд кору пайкори созандаи фарзандони баруманди миллати тоҷикро, ки ин боргоҳи илму маърифатро хатм намуда, имрӯз дар хидмати халқу диёр мебошанд, идома диҳед», -афзуд Қоблҷон Хушвахтзода.
Тазаккур дода шуд, ки Истиқлоли давлатӣ барои рушду такомул ва дастгирии ҷавонон дар Тоҷикистон заминаи иқтисодӣ, иҷтимоӣ ва сиёсӣ фароҳам овард. Онҳо бо дастовардҳои худ дар арсаҳои гуногуни ҳаёти ҷамъиятӣ ба ғамхориву дастгириҳои Пешвои миллат муҳтарам Эмомалӣ Раҳмон арзанда будани худро ба тадриҷ собит месозанд.
Сипас «Муроҷиатномаи ҷавонони Донишгоҳи миллии Тоҷикистон» аз ҷониби донишҷӯи факултети фалсафаи Донишгоҳи миллӣ шунида шуд.
Дар идомаи ҳамоиш ба зумрае аз устодону кормандон-ҷавонони донишгоҳ Ифтихорномаи Кумитаи иҷроияи ҲХДТ, Сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Ифтихорномаи Донишгоҳи миллии Тоҷикистон супорида шуд.
АКС: Донишгоҳи миллии Тоҷикистон
Дар Хуҷанд сохтмони бинои иловагии гимназияи рақами№4 оғоз гардид
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Хонандагони ноҳияи Данғара дар олимпиадаи ҷумҳуриявӣ 18 медал ба даст оварданд
