Дар Душанбе масъалаи риояи ҳуқуқу озодиҳои намояндагони гурӯҳҳои этникӣ баррасӣ шуд

Май 21, 2023 10:08

ДУШАНБЕ, 21.05.2023 /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо Комиссари олии Созмони амният ва ҳамкорӣ дар Аврупо оид ба корҳо бо ақаллияти миллӣ Қайрат Абдураҳмонов мулоқот намуд, ки зимни он оид ба дастовардҳои Тоҷикистон дар самти пешбурд ва риояи ҳуқуқу озодиҳои намояндагони гурӯҳҳои этникӣ, динӣ ва забонӣ сухан гуфта шуд.

Иброз гардид, ки сиёсати этникии давлат ба муттаҳидии халқи Тоҷикистон, таҳаммулпазирии байни миллатҳо нигаронида шуда, аз ҷониби намояндагони гурӯҳҳои этникӣ, динӣ ва забонӣ пурра дастгирӣ мешавад ва меъёрҳои баробарии ақаллияти миллӣ, роҳ надодан ба табъиз аз рӯи нишонаҳои миллӣ ва нажодӣ, ки дар қонунгузорӣ муайян шудааст, пурра риоя ва ҳал карда мешавад.

Зимни вохӯрӣ оид ба ҳамкории Ваколатдор оид ба ҳуқуқи инсон бо ҳамтоёни худ аз дигар давлатҳо, созмонҳои байналмилалӣ ва ташкилоти ҷамъиятии дар ин самт фаъолияткунанда сухан рафт.

Ваколатдор оид ба ҳуқуқи инсон аз қабули Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз», ки ба пешбурди ҳуқуқ ва имконияти баробар барои ҳамаи шахсон, новобаста аз фарқияти нажодӣ, ранги пӯст, баромади миллӣ ё этникӣ мусоидат мекунад, ибрози назар намуд.

Мубодилаи тарафҳо бештар ба масъалаҳои муносибатҳои байни миллату халқият, вазъи риояи ҳуқуқу озодиҳои намояндагони гурӯҳҳои этникӣ, динӣ ва забонӣ, мусоидати Ваколатдор оид ба ҳуқуқи инсон ба ҳамкории мақомоти ҳокимияти давлатии Ҷумҳурии Тоҷикистон, сохторҳои ҷомеаи шаҳрвандӣ оид ба ҳифзи ҳуқуқу озодиҳои гурӯҳҳои этникӣ, динӣ ва забонӣ, рушд ва ҳамоҳангсозии ҳамкории байналмилалӣ дар самти мазкур, мавриди экспертизаи табъизӣ қарор додани лоиҳаи санадҳои меъёрии ҳуқуқӣ ва дигар масоил дахл дошт.

АКС: Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон

Май 21, 2023 10:08

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст