Дар натиҷаи обхезиҳо дар Италия 50 ҳазор хона бе барқ монд

ДУШАНБЕ, 19.05.2023 /АМИТ «Ховар»/. Дар натиҷаи сел ва обхезиҳо дар минтақаи Эмилия — Романияи Италия 50 ҳазор манзил бе неруи барқ мондааст, иттилоъ медиҳад АМИТ«Ховар»  бо истинод ба «АЗЕРТАҶ».

Барои бартараф кардани оқибатҳои офати табиӣ 150 оташнишон ва 50 техника ҷалб карда шудааст.

Тайи 48 соати охир то 400 амалиёти наҷотдиҳӣ анҷом дода шуда, зиёда аз 20 ҳазор нафар ба ҷойи бехавф кӯчонида шуд. Дар айни замон ин раванд идома дорад.

Дар минтақа ҳушдори сурх эълон гардида,  масъалаи эълон намудани вазъияти фавқулода баррасӣ мешавад.

Таъкид карда мешавад, ки давоми 36 соати охир дар ин минтақа меъёри бориши шашмоҳа мушоҳида шудааст.

Умуман 23 дарё зери об монда, 280 ярч ба амал омад ва 400 роҳ баста шудааст. Сатҳи об дар кӯчаҳои баъзе шаҳрҳо аз як метр гузаштааст. Дар натиҷаи сел ва обхезӣ 9 нафар ҳалок гашта, панҷ ҳазор фермаи вилоятро сел зер кардааст. Зарари расида миллиардҳо евроро ташкил медиҳад.

Азиза ИКРОМ,
АМИТ «Ховар»

Акс: «АЗЕРТАҶ»