Тавсеаи ҳамкорӣ байни «Амонатбонк» ва Корпоратсияи байналмилалии исломии тиҷоратию молиявӣ дар Ҷидда баррасӣ гардид

ДУШАНБЕ, 12.05.2023 /АМИТ «Ховар»/. Тақвияти ҳамкории дуҷониба байни Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» ва Бонки исломии рушд зимни мулоқоти муовини раиси «Амонатбонк» Фирдавс  Ризвонзода  бо директори Департаменти амалиётҳои Корпоратсияи байналмилалии исломии тиҷоратию молиявӣ Назим Нурдалӣ дар шаҳри Ҷиддаи Арабистони Саудӣ баррасӣ гардид. Дар ин хусус АМИТ «Ховар» бо истинод ба «Амонатбонк» иттилоъ  медиҳад.

Мусоҳибон  омодагии худро ҷиҳати ҳарчи зудтар ба роҳ мондани ҳамкорӣ дар самти маблағгузории савдо ва таҳлилҳои мухталифи  самти молия иброз доштанд.

Бояд тазаккур дод, ки мулоқоти муовини раиси «Амонатбонк» Фирдавс  Ризвонзода  бо директори Департаменти амалиётҳои Корпоратсияи байналмилалии исломии тиҷоратию молиявӣ Назим Нурдалӣ 10 май дар ҳошияи ҷаласаи солонаи Бонки исломии рушд  дар шаҳри Ҷиддаи Арабистони Саудӣ доир гардид.

      АКС: Корхонаи воҳиди давлатии «Бонки амонатгузории Ҷумҳурии Тоҷикистон» «Амонатбонк»