«ДУНЁИ САОДАТ». Шаҳри Турсунзодаро дар Фестивали ҷумҳуриявии ансамблҳои оилавӣ ансамбли «Қаратоғ» намояндагӣ мекунад
ДУШАНБЕ, 08.05.2023 /АМИТ «Ховар»/. 5 май дар шаҳри Турсунзода даври шаҳрии Фестивали ҷумҳуриявии ансамблҳои оилавӣ таҳти унвони «Дунёи саодат» баргузор гардид, ки дар он ҳунармандони ансамбли фолклорӣ-этнографии «Қаратоғ» — хоҳарон Фароғат Муродова ва Фазолат Ҳоҷиева ба даври ҷумҳуриявӣ роҳ ёфтанд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.
Ба иттилои манбаъ, барномаи ҷолиби бадеиву консертии бонувони ҳунарманд, воқеан, ҷолибу ибратбахш ва таҷассумгари фарҳанги волои бонувони ҳунарпеша буд.
Дар чорабинӣ намояндагони Мақомоти иҷроияи ҳокимияти давлатии шаҳри Турсунзода ва Вазорати фарҳанги Ҷумҳурии Тоҷикистон иштирок намуда, ба ҳунару истеъдоди иштирокчиён баҳои баланд доданд.
«Хоҳарон Фароғат Муродова ва Фазолат Ҳоҷиева бо фарзандон ва дигар аъзои оилаашон ҳамчун ансамбли оилавӣ дар даври ҷумҳуриявиии фестивал иштирок хоҳанд кард», — омадааст дар хабари манбаъ.
Ёдовар мешавем, ки аз 1 апрел то 15 май дар саросари Тоҷикистон бахшида ба Рӯзи байналмилалии оила Фестивали ҷумҳуриявии ансамблҳои оилавӣ таҳти унвони «Дунёи саодат» баргузор мегардад.
Даври ниҳоӣ ва барномаи фарҳангии гулчини Фестивал 15 майи соли равон бахшида ба Рӯзи байналмилалии оила дар Филармонияи давлатии Тоҷикистон ба номи Акашариф Ҷӯраев гузаронида мешавад.
Ҳадаф аз баргузории Фестивали мазкур рушди фаъолияти ансамблҳои оилавӣ, дарёфти чеҳраҳои нав, ҷалби ҳарчӣ бештари мардум ба фарҳангу ҳунар, баланд бардоштани нақши оила дар тарбияи комили ҷавонону наврасон, эҳсоси ватандӯстиву фарҳангпарварӣ, зебоипарастию эҷодкорӣ дар байни аҳолии мамлакат мебошад.
АКС: Мақомоти иҷроияи ҳокимияти давлатии шаҳри Турсунзода
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
«САД РАНГИ ЧАКАН». Дар Бадахшон ғолибони даври вилоятии фестивал муайян шуданд
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ЭҲЁИ ТАЪРИХУ ФАРҲАНГИ МИЛЛӢ ВА ИСТИҚЛОЛИЯТ. Мулоҳизаҳои директори Агентии ҳифзи мероси таърихию фарҳангӣ
