Имрӯз дар Душанбе Намоишгоҳи байналмилалии универсалии «Тоҷикистон-2023» ба анҷом мерасад

Май 7, 2023 10:14

ДУШАНБЕ, 07.05.2023 /АМИТ «Ховар»/. Имрӯз дар Муассисаи давлатии «Кохи Борбад» Намоишгоҳи байналмилалии универсалии «Тоҷикистон-2023» кори худро ба анҷом мерасонад, хабар медиҳад мухбири АМИТ «Ховар».

Ёдовар мешавем, ки намоишгоҳ 4 май оғоз гардида, дар он беш аз 60 ширкати молистеҳсолкунанда ва хизматрасони ватанӣ ва хориҷӣ аз давлатҳои Малайзия, Русия, Узбекистон, Эрон ва Ҳиндустон иштирок доштанд.

Иштирокчиёни намоишгоҳ дар самтҳои мухталиф, аз ҷумла саноати сабук, кишоварзӣ, фармасевтика ва ороиши гигиенӣ, хӯрокворӣ, истеҳсоли масолеҳи сохтмонӣ, истеҳсоли чароғаки роҳнамо ва ғайра молу маҳсулоти худро барои намоиш ва фурӯш пешкаши харидорону меҳмонон намуданд.

Ёдовар мешавем, ки Намоишгоҳи байналмилалии универсалии «Тоҷикистон-2023» аз ҷониби Палатаи савдо ва саноати Ҷумҳурии Тоҷикистон ва дастгирии Ҳукумати мамлакат амалӣ гардидааст. Дар намоишгоҳ моли ширкатҳои ҷумҳурӣ, ки ба содироти  маҳсулот ба якчанд давлати ҷаҳон машғуланд, муаррифӣ карда шуд.


Бояд гуфт, ки баргузории ин гуна намоишҳо ба рушди бахши хусусӣ мусоидат карда, ҳамзамон дар пешрафти саноатикунонии ҷумҳурӣ ҳисса мегузорад.

Сарвари давлат муҳтарам Эмомалӣ Раҳмон 21 декабри соли 2022 зимни ироаи Паёми хеш ба Маҷлиси Олӣ изҳор доштанд, ки «ҳиссаи саноат дар маҷмуи маҳсулоти дохилии мамлакат бояд ба 26 фоиз расонида, дар ин раванд гуногунсамтии истеҳсолоти саноатӣ таъмин карда шавад. Дар ин давра бояд беш аз 500 ҳазор ҷойи нави корӣ таъсис ёфта, даромади пулии аҳолӣ беш аз 2 баробар зиёд гардад ва ҳиссаи табақаи миёнаи аҳолӣ ба 45 фоиз расонида, дар натиҷа сатҳи камбизоатӣ то 15 фоиз коҳиш дода шавад».

 АКС: АМИТ «Ховар»

Май 7, 2023 10:14

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад