«МАҲСУЛОТ ВА ХИЗМАТРАСОНИИ БЕҲТАРИН ДАР ҶУМҲУРИИ ТОҶИКИСТОН» Дар Хуҷанд даври вилоятии озмуни ҷумҳуриявӣ гузаронида шуд
ДУШАНБЕ, 01.05.2023 /АМИТ «Ховар»/. 29 апрел дар шаҳри Ҳуҷанд даври вилоятии озмуни ҷумҳуриявии «Маҳсулот ва хизматрасонии беҳтарин дар Ҷумҳурии Тоҷикистон» доир шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Озмун бо ташаббуси Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва дастгирии Мақомоти иҷроияи ҳокимияти давлатии вилояти Суғд ташкил карда шуда, дар он 100 корхонаву ташкилот, муассисаи хизматрасонӣ, сайёҳӣ ва ҳунарҳои мардумӣ аз шаҳру ноҳияҳои вилоят бо 105 номгӯй маҳсулоти дар дохили ҷумҳурӣ истеҳсолшаванда аз рӯи номинатсияҳои маҳсулоти хӯрокворӣ, маҳсулоти саноатӣ, маснуоти ҳунарҳои мардумӣ, маҳсулоти таъйиноти истеҳсолию техникӣ, хизматрасонии хӯроки умумӣ, меҳмонхонаҳо ва ширкатҳои сайёҳӣ иштирок намуд ва беҳтаринҳо ба даври ҷумҳуриявӣ роҳхат гирифтанд.
Ҳадаф аз баргузории озмун- тақвият бахшидан ба рушди истеҳсоли маҳсулоти рақобатпазиру воридотивазкунандаи ватанӣ, муаррифии имконияти сайёҳӣ ва ҳунарҳои мардумӣ, баланд бардоштани рақобатнокии маҳсулоти ватанӣ ва беҳтар намудани сифати хизматрасонии иҷтимоӣ буда, ба рушди соҳибкории ватанӣ, беҳбуди сифату бехатарии маҳсулоти ватанӣ ва тақвияти иқтидори содиротии мамлакат аз ҳама ҷиҳат мусоидат мекунад.
Аз ҷониби дигар, ташкили чунин озмунҳо имкон медиҳад, ки истеҳсолкунандагони ватанӣ маҳсулоти худ ва кору хизматрасониро ба талаботи байналмилалӣ мутобиқ намоянд, то ин ки маҳсулоташон дар бозори дохилӣ ва берунӣ ба рақобат тобовар гардад.
АКС: Хадамоти матбуоти Раиси вилояти Суғд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
