Муовини Сарвазири Тоҷикистон аз ҷараёни кишти картошка дар ноҳияи Тоҷикобод боздид намуд

Май 16, 2023 10:26

ТОҶИКОБОД, 16.05.2023. /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода, Раиси Кумитаи бехатарии озуқавории назди Ҳукумати Ҷумҳурии Тоҷикистон Маҳмадсаид Файзуллозода ва муовини Директори Агентии беҳдошти замин ва обёрии назди Ҳукумати Ҷумҳурии Тоҷикистон Баҳрулло Зуҳурзода бо сафари корӣ ба ноҳияи Тоҷикобод рафта, бо ҷараёни кишту кори баҳорӣ, аз ҷумла кишти картошка  ва нашъунамои ниҳолҳои боғҳо аз наздик шинос шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Тоҷикобод иттилоъ доданд.

Муовини Сарвазири Ҷумҳурии Тоҷикистон Сулаймон  Зиёзода ва ҳайати ҳамроҳаш аз идомаи кишти картошка дар шафати шоҳроҳ ва мавзеи баландкӯҳи Регак дидан намуда, бо деҳқонону механизаторон суҳбат намуд. Мавсуф ба масъулини соҳаи кишоварзӣ, аз ҷумла роҳбарони хоҷагиҳои деҳқонӣ дастур дод, ки дар давраи кишт талаботи агротехникиро  риоя намуда, дар муҳлати пешбинишуда кишти картошкаро ба анҷом расонанд.

Гурӯҳи корӣ дар мавзеъҳои баландкӯҳи ноҳия бо ҷараёни кишти картошка шинос шуда, бо кишоварзон ва мутахассисони соҳа суҳбат намуд. Зимни боздид бобати беҳтар намудани ҳолати мелиоративии заминҳои кишт ва баланд бардоштани маданияти истифодаи замин ба кишоварзон маслиҳатҳои муфид дода шуд.

АКС: Мақомоти иҷроияи ҳокимияти давлатии ноҳияи Тоҷикобод

Май 16, 2023 10:26

Хабарҳои дигари ин бахш

Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд