Намояндаи мақомоти сайёҳӣ дар Барномаи омӯзишии CAREC Тоҷикистонро муаррифӣ намуд
ДУШАНБЕ, 19.05.2023 /АМИТ «Ховар»/. Имрӯз дар шаҳри Батумии Гурҷистон давраи омӯзишӣ барои кормандони соҳаи сайёҳӣ, ки 15 май оғоз ёфта буд, ба анҷом расид. Дар он аз Тоҷикистон мудири бахши кадрҳо ва таъминоти ҳуқуқии Кумитаи рушди сайёҳии назди Ҳукумати Ҷумҳурии Тоҷикистон Зиёдулло Салимзода иштирок намуд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
Давраи омӯзишӣ дар заминаи тарҳи табодули дониш барои пешбурди ҳамкории минтақавӣ ва ҳамгироӣ барои рушди долони иқтисодӣ дар минтақаи Барномаи ҳамкории иқтисодии минтақавиии Осиёи Марказӣ /CAREC/ созмон дода шуда, дар он намояндагони дигар давлатҳои аъзои CAREC иштирок доштанд.
Дар Тоҷикистон барои ба таври пурра роҳандозӣ намудани тамоми иқтидор, неруи кадрӣ, донишҳои назариявию амалӣ, дар маҷмуъ омода намудани кадрҳои болаёқати соҳаи сайёҳӣ ва дар ин замина рақобатпазир будан дар бозори ҷаҳонии сайёҳӣ аз ҷониби Кумитаи рушди сайёҳӣ пайваста тадбирҳои зарурӣ андешида мешавад.
Сафари намояндаи сохтори сайёҳии мамлакат ба Гурҷистон, шиносоӣ бо фарҳанг, расму оини мардуми Гурҷистон шароит фароҳам меорад, то мутахассисони соҳа малакаи корӣ ва ҷаҳонбиниашонро васеъ намоянд.
Бояд гуфт, ки саноати сайёҳии замони муосир яке аз соҳаҳои рушдёбанда ва сердаромади иқтисоди ҷаҳонӣ арзёбӣ мегардад. Дар ин самт омода намудани мутахассисони ихтисосманди соҳа ва васеъ намудани арзҳои меҳмоннавозӣ, саҳмгузорӣ дар беҳтар намудани сифати хизматрасонӣ барои муаррифии Тоҷикистон ҳамчун давлати сайёҳӣ нақши муҳим мебозад.
АКС: Кумитаи рушди сайёҳии назди Ҳукумати Ҷумҳурии Тоҷикистон
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
