«НОЗИРОНИ НАВРАСИ ҲАРАКАТ ДАР РОҲ». Ғолибони даври шаҳрии озмун муайян шуданд
ДУШАНБЕ, 20.05.2023. /АМИТ «Ховар»/. Бо иқдоми шуъбаи Бозрасии давлатии автомобилии Раёсати Вазорати корҳои дохилӣ дар шаҳри Душанбе ва Сарраёсати маорифи шаҳри Душанбе дар Муассисаи давлатии «Маркази кӯдакон ва наврасони шаҳри Душанбе» даври шаҳрии Озмуни ҷумҳуриявии «Нозирони навраси ҳаракат дар роҳ» баргузор гардид. Дар ин хусус ба АМИТ «Ховар» сардори раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомидин Бобозода хабар дод.
Дар ҷамъбаст бо ба баст овардани холи аз ҳама зиёд (50,6) дастаи Гимназияи №74 ноҳияи Фирдавсӣ ҷойи якум, Литсейи №2 барои хонандагони болаёқати шаҳри Душанбе бо 50,1 хол ҷойи дуюм, муассисаи давлатии таҳсилоти миёнаи умумии -«Мактаб-интернати №1 барои кӯдакони ятим ва бепарастор»-и шаҳри Душанбе бо 33,8 хол ҷойи сеюм, Гимназияи хусусии «Донишвар» ва Муассисаи таҳсилоти миёнаи умумии №1 ноҳияи Исмоили Сомонӣ мутаносибан ҷойҳои чоруму панҷумро сазовор гардиданд. Ғолибон бо диплому туҳфаҳои хотиравии кумитаи тадорукоти озмун қадрдонӣ шуданд.
Ҳамзамон аз ҷониби Сарраёсати маорифи шаҳри Душанбе ба шуъбаи Бозрасии давлатии автомобилии Раёсати Вазорати корҳои дохилӣ дар шаҳри Душанбе барои ҳамкории судманд дар тарғибу ташвиқи қоидаҳои ҳаракат дар роҳ байни кӯдакону наврасон, пешгирии ҳодисаҳои роҳу нақлиёт бо иштироки онҳо ва дар ин замина дар баргузории даври шаҳрии Озмуни «Нозирони навраси ҳаракат дар роҳ» ва Муассисаи давлатии «Маркази кӯдакон ва наврасони шаҳри Душанбе» барои саҳмгузорӣ дар ташкил ва баргузории даври шаҳрии Озмуни «Нозирони навраси ҳаракат дар роҳ» Сипоснома супорида шуд.
Озмун аз рӯи 5 шарт: Донандагони қоидаҳои ҳаракат дар роҳ (кор бо тест, 8 савол); Пурдон (1 иштирокчӣ ба 20 савол ҷавоб пешниҳод менамояд); Танзимгари наврас (1 иштирокчӣ ба 10 савол ҷавоб пешниҳод менамояд); Чархи амонӣ (аз даста 4 нафар (2 писар ва 2 духтар) иштирок менамояд); Азназаргузаронии сафороӣ (даста аз 10 иштирокчӣ иборат аст) гузаронида шуд.
Дар фарҷом аз ҷониби тарбиягирандагони Муассисаи давлатии «Маркази кӯдакон ва наврасони шаҳри Душанбе» барномаи фарҳангӣ пешкаши иштирокчиён гардид.
АКС: Сарраёсати маорифи шаҳри Душанбе
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
