Рӯзи Тоҷикистон дар Намоишгоҳи 34-уми байналмилалии «Китоби Теҳрон» расман ифтитоҳ шуд
ДУШАНБЕ, 11.05.2023 /АМИТ «Ховар»/. Аз 10 то 20 май дар шаҳри Теҳрони Ҷумҳурии Исломии Эрон Намоишгоҳи 34-уми байналмилалии «Китоби Теҳрон» баргузор мегардад, ки иштироки Ҷумҳурии Тоҷикистон ба ҳайси меҳмони хосса дар ин намоишгоҳ муқаррар гардидааст, хабар медиҳад АМИТ «Ховар» бо истинод ба маркази матбуоти Вазорати фарҳанги ҷумҳурӣ.
Дар ҳошияи ифтитоҳи Намоиши байналмилалии «Китоби Теҳрон» дирӯз мулоқоти Вазири фарҳанги Ҷумҳурии Тоҷикистон Зулфия Давлатзода бо Вазири фарҳанг ва иршоди исломии Ҷумҳурии Исломии Эрон Маҳдии Исмоилӣ ва доктор Аҳмадванд — муовини вазири фарҳанг ва иршоди исломӣ, ки ҳамзамон раисии Намоишгоҳи байналмилалии китобро ба зимма дорад, доир гардид.
Зимни суҳбат вобаста ба ҳамкории фарҳангӣ, аз ҷумла дар соҳаи театр, санъат ва нашри китобҳо табодули афкор анҷом дода шуд. Ҳамзамон ҷониби Эрон иштироки Тоҷикистонро ба ҳайси меҳмони хосса дар Намоишгоҳи байналмилалии китоб муҳим арзёбӣ намуд.
Имрӯз дар ин намоишгоҳи байналмилалӣ Рӯзи Тоҷикистон ба таври расмӣ ифтитоҳ гардид.
Ёдовар мешавем, ки дар Намоишгоҳи байналмилалии «Китоби Теҳрон» ноширон аз 60 давлати дунё иштирок менамоянд.
АКС: Вазорати фарҳанги Ҷумҳурии Тоҷикистон
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
Оид ба ҳамкории Тоҷикистон ва Русия дар соҳаи илм ва маориф конференсияи байналмилалии илмӣ баргузор шуд
Дар ноҳияи Темурмалик тақсими «Шоҳнома»-и Абулқосим Фирдавсӣ оғоз гардид
Масъалаи баргузории Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон баррасӣ гардид
