Аз 6 то 9 июн гурӯҳҳои таблиғотӣ дар шаҳру ноҳияҳои Хатлон бо сокинон суҳбату вохӯриҳо доир менамоянд

Июнь 7, 2023 09:19

ДУШАНБЕ, 07.06.2023. /АМИТ «Ховар»/. Аз 6 то 9 июн дар ҳамаи шаҳру навоҳии вилояти Хатлон гурӯҳҳои таблиғотии мақомоти иҷроияи ҳокимияти давлатии вилоят бо аҳолӣ суҳбату вохӯриҳои инфиродиву гурӯҳӣ анҷом медиҳанд. Дар ин суҳбату вохўриҳо дастуру супориш ва ҳидоятҳои Президенти мамлакат муҳтарам Эмомалӣ Раҳмон, ки дар мулоқот бо фаъолони вилояти Хатлон дар ноҳияи Данғара 27 апрели соли равон баён гардиданд, тавзеҳ дода мешаванд.

Тавре ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд, ба гурўҳҳои мазкур роҳбарони мақомот, олимону муҳаққиқон, адибону рӯзноманигорон, собиқадорони меҳнат шомил гардидаанд.

Гурўҳе, ки роҳбарии онро сармуҳаррири рӯзномаи «Хатлон» Носирҷон Маъмурзода ба зимма дорад, чунин як вохўриро бо сокинон дар маҳаллаҳои Навобод, Зархез ва Зарбдори шаҳри Бохтар бо усули «хона ба хона» доир намуд.

Дар суҳбатҳо дастуру тавсияҳои Президенти Ҷумҳурии Тоҷикистон Эмомалӣ Раҳмон, ки дар мулоқоташон бо роҳбарон ва фаъолони вилояти Хатлон дар ноҳияи Данғара, 27 апрели соли ҷорӣ баён гардиданд, шарҳ дода шуд.

Ифтихори ватандорӣ, тарбияи ҳарбӣ-ватандӯстии наврасону ҷавонон, таҳкими ваҳдату ягонагӣ, пешгирии шомилшавии шаҳрвандон ба ҳизбу ҳаракатҳои ифротӣ, ҷилавгирӣ аз тақлиду пайравӣ ба фарҳанги бегона, содиршавии ҷиноятҳо аз ҷониби ноболиғон, ҷавонон, занон, риояи фарҳанги миллӣ, пешгирӣ аз пошхӯрии оилаҳои ҷавон, истифодаи самарабахши қитъаҳои замини наздиҳавлигӣ, захираи маводи озуқа, омодагӣ ба фасли зимистон, эҳтиром ба арзишҳои миллӣ ва риояи талаботи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» аз ҷумлаи мавзуъҳои меҳварии ин суҳбату мулоқотҳо буд.

АКС: Мақомоти иҷроияи ҳокимияти давлатии вилояти Хатлон

Июнь 7, 2023 09:19

Хабарҳои дигари ин бахш

Дар Тоҷикистон Ҳафтаи аврупоии иммунизатсия оғоз ёфт
Ҷаласаи вазирони тандурустии давлатҳои аъзои Созмони ҳамкории Шанхай доир гардид
5 ҳазор истироҳатгоҳи Тоҷикистон барои фароғати тобистонаи кӯдакон ва наврасон омода карда мешаванд
ИСТИФОДАИ САМАРАНОКИ ЗАМИН. Нурулло Саидбеков аз замини наздиҳавлигияш ду ҳосил мегирад
«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид
Табибони тоҷик тариқи стентгузорӣ бемориҳои гуногунро табобат менамоянд
Ғолибони даври ҷумҳуриявии озмуни «Сайри гули лола» муайян карда шуданд
Кумакҳои навбатии Пешвои миллат муҳтарам Эмомалӣ Раҳмон ба зарардидагони офати табиии дар ноҳияҳои Рашт ва Тоҷикобод фиристода шуд
Байни Ҷумҳурии Тоҷикистон ва Подшоҳии Арабистони Саудӣ Ёддошти тафоҳум ба имзо расид
Ҳамкории Агентии хизмати давлатии Тоҷикистон бо мақомоти ваколатдори соҳаи хизмати давлатии Чин баррасӣ шуд
Ба зарардидагони ноҳияи Рашт масолеҳи сохтмонӣ, маводи озуқаворӣ ва маблағҳои пулӣ кумак расонида шуданд
Дар Душанбе вобаста ба инкишофи барвақтии кӯдак ҳамоиш доир шуд