Дар Агентии хизмати давлатӣ бо хизматчиёни давлатии Тоҷикистон дар Ҷопон вохӯрии маҷозӣ доир гардид
ДУШАНБЕ, 16.06.2023. /АМИТ «Ховар»/. Дар Агентии хизмати давлатии назди Президенти Ҷумҳурии Тоҷикистон вохӯрии маҷозӣ бо хизматчиёни давлатии Тоҷикистон, ки айни замон дар зинаи магистратура ва докторантураи донишгоҳҳои бонуфузи Ҷопон таҳсил менамоянд, баргузор гардид. Дар ин хусус ба АМИТ «Ховар» дар Агентии мазкур хабар доданд.
Вохӯрии маҷозии мазкур бо гурўҳи 13 ва 14-и стипендиатони «Лоиҳаи пешниҳоди бурсияҳои таҳсилӣ барои рушди захираҳои инсонӣ», ки дар асоси Созишномаи грантӣ байни Ҳукумати Ҷумҳурии Тоҷикистон ва Агентии Ҷопон оид ба ҳамкории байналмилалӣ дар Ҷопон аз соли 2020 таҳсил доранд, ташкил гардид.
Зимни вохӯрӣ талаботи меъёрии ҳуқуқии шартномаи сеҷониба, саривақт аз худ намудани кредитҳои таълимӣ, навиштани рисолаи илмии таҳқиқотӣ ва ҷамъбасти он, хатми муваффақонаи таҳсил дар зинаи магистратура ва докторантураи Донишгоҳи Осиё ва Уқёнуси Ороми Ритсумейкан, Донишгоҳи байналмилалии Ҷопон, Донишгоҳи Хиросима ва Донишгоҳи Акитаи Ҷопон шарҳу тавзеҳ дода шуд.
Ҳамзамон вобаста ба шароити будубоши хизматчиёни давлатӣ, иштироки онҳо дар чорабиниҳои байналмилалӣ, тарғиби фарҳангу таърихи миллӣ, имкониятҳои таҳсил ва табодули таҷриба бо хизматчиёни давлатии Ҷопон изҳори назар карда шуд.
Хизматчиёни давлатии Тоҷикистон дар Ҷопон зимни вохӯрӣ миннатдории худро барои таъмини таҳсили хизматчиёни давлатӣ дар хориҷи мамлакат, маҳфуз нигоҳ доштани ҷойи корӣ дар мақомоти давлатӣ дар давраи таҳсил ва пайваста зери таваҷҷуҳи мақомоти ваколатдори соҳаи хизмати давлатӣ қарор доштанашон ба Ҳукумати Ҷумҳурии Тоҷикистон баён доштанд.
Онҳо изҳор намуданд, ки бо сари баланд зинаи таҳсилро дар донишгоҳҳои бонуфузи Ҷопон хатм намуда, барои пешрафти давлат ва соҳаҳои фаъолияташон ҳамчун мутахассиси сатҳи байналмилалӣ саҳми муносиби худро мегузоранд.
АКС: Агентии хизмати давлатии назди Президенти Ҷумҳурии Тоҷикистон
Дар Тоҷикистон маъракаи иммунизатсия бар зидди вируси папилломаи одам оғоз мегардад
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
