Дар Бадахшон ҳамоиши гирандагони Стипедияи президентӣ баргузор шуд
ДУШАНБЕ, 25.06.2023. /АМИТ «Ховар»/. 23 июн бо иштироки роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Вилояти Мухтори Кӯҳистони Бадахшон ҳамоиши гирандагони Стипендияи президентӣ баргузор шуд. Дар ин хусус АМИТ «Ховар» бо истинод ба мақомоти иҷроияи ҳокимияти давлатии вилоят хабар медиҳад.
Таъкид гардид, ки баъди ба даст овардани Истиқлоли давлатии Ҷумҳурии Тоҷикистон барои ба дастовардҳои баланд ноил гардидан дар соҳаи маориф ва аз худ намудани донишҳои замонавӣ бо ташаббуси Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор санадҳо ва қонунҳо ба тасвиб расида, баҳри пешбурди ин соҳаи ниҳоят афзалиятнок чораҳои зарурӣ роҳандозӣ гардиданд.
Маҳз таваҷҷуҳи ҳамешагии давлату ҳукумати мамлакат нисбат ба ин соҳа буд, ки якчанд имтиёзҳо, аз ҷумла Стипедияи президентӣ барои хонандагон ва донишҷӯёни муассисаҳои таҳсилоти миёнаи умумии ибтидоӣ ва миёнаи касбӣ роҳандозӣ гардид, ки сол ба сол теъдоди гирандагони он дар мамлакат меафзояд.
Тазаккур дода шуд, ки насли наврас ва ҷавон ҳамеша дар зери таваҷҷуҳи роҳбарияти мамлакат қарор доранд ва Ҳукумати мамлакат ҷиҳати пайдо намудани имкониятҳо барои аз худ намудани донишҳои замонавӣ ва муосир чораҷӯӣ намуда истодааст. Аз ин рӯ ҷавононро зарур аст дар ҷавоб ба ин гуна ғамхориҳои Ҳукумати мамлакат, бахусус Пешвои миллат муҳтарам Эмомалӣ Раҳмон пайваста талош кунанд, то ки дар оянда барои Ватани худ содиқонаву софдилона хизмат намоянд.
Боиси ифтихор аст, ки бо иқдомҳои наҷибу созандаи Пешвои миллат аз 1 сентябри соли 2021 теъдоди гирандагони стипендияи Президенти Ҷумҳурии Тоҷикистон аз 400 ба 3000 адад расонида шуд, ки ин ҳам давоми дастгирӣ ва ғамхориҳои Сарвари давлат ба қишри ояндасозӣ миллат – ҷавонон ва наврасон мебошад.
Дар охир ба гирандагони Стипендияи президентӣ маблағи пулӣ тақдим карда шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Пешвои миллат: «Барои гузаштан ба низоми 12-солаи таҳсил аз ҳоло чораҷӯӣ карда шавад»
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
