Дар Донишгоҳи миллии Тоҷикистон Телевизиони таълимӣ ба фаъолият оғоз намуд
ДУШАНБЕ, 17.06.2023. /АМИТ «Ховар»/. Имрўз, 17 июн дар арафаи Рӯзи ваҳдати миллӣ Телевизони таълимии Донишгоҳи миллии Тоҷикистон ифтитоҳ гардид, хабар медиҳад АМИТ «Ховар» бо истинод ба Донишгоҳи мазкур.
Дар маросими кушодашавии Телевизони таълимӣ муовини Сарвазири Ҷумҳурии Тоҷикистон Матлубахон Сатториён, Ректори Донишгоҳи миллии Тоҷикистон Қобилҷон Хушвахтзода ва дигарон иштирок намуданд.
Гуфта шуд, ки Телевизиони таълимии Донишгоҳи миллии Тоҷикистон дар партави сиёсати бунёдкоронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастгирии Вазорати маориф ва илми Ҷумҳурии Тоҷикистон, Кумитаи телевизион ва радиои назди Ҳукумати Ҷумҳурии Тоҷикистон ва раёсати Донишгоҳи миллии Тоҷикистон роҳандозӣ мешавад.
Ҳадаф аз таъсиси Телевизиони таълимӣ баланд бардоштани фаъолияти амалии донишҷӯёни ихтисоси рӯзноманигорӣ ва омода намудани журналистон дар соҳаи телевизион мебошад. Дар студияи мазкур дарсҳои амалии кафедраи журналистика ва назарияи тарҷума доир карда мешавад, ки барои малакаи корӣ пайдо намудани донишҷӯён заминаи мусоид фароҳам меорад.
Бо мавриди истифода қарор гирифтани Телевизиони таълимии Донишгоҳи миллии Тоҷикистон донишҷӯёну устодон машғулиятҳои амалиро дар паси дастгоҳҳои навтарини сабту наворбардорӣ ва таҳияву пахши гуфтору барномаҳо баргузор менамоянд.
Телевизиони таълимӣ мутобиқ ба талаботи замон бо техникаву таҷҳизоти муосир муҷаҳҳаз гардонида шудааст. Дар оянда фаъолияти телевизиони мазкур ҳамчун базаи моддиву техникӣ барои тамоми устодон ва донишҷӯёни Донишгоҳ хизмат менамояд.
Изҳори итминон карда шуд, ки Телевизиони таълимии Донишгоҳи миллии Тоҷикистон дар оянда барои беҳтару хубтар гардонидани сифати таҳсилот мусоидат хоҳад намуд.
Тазаккур дода шуд, ки дар муаррифии Тоҷикистон бо ихтисосҳои гуногун аз факултетҳои Донишгоҳи миллии Тоҷикистон донишҷӯёни соҳибистеъдод ҷалб гардида, вобаста ба мавзуъҳои рӯзмарра дастоварду пешрафти тамоми соҳаҳоро инъикос менамоянд.
АКС: АМИТ «Ховар»
Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
