Дар Хоруғ ба бунёди яке аз пулҳои дарозтарини мошингузар дар ҳудуди Бадахшон оғоз намуданд

Июнь 9, 2023 19:36

ХОРУҒ, 09.06.2023. /АМИТ «Ховар»/. Дар доираи марҳилаи чоруми «Барномаи беҳтар намудани роҳҳои алоқаи минтақавӣ дар Осиёи Марказӣ», ки аз ҷониби Бонки ҷаҳонӣ маблағгузорӣ мешавад, корҳои сохтмонӣ дар пули мошингузар аз болои рӯдхонаи Ғунд оғоз гардид. Мутобиқи нақша, ин пули мошингузар пас аз 900 рӯз ба истифода дода мешавад. Дар ин хусус мухбири минтақавии АМИТ «Ховар» хабар медиҳад.

Дарозии пул 200 метр ва паҳноии он 10 метр буда, фармоишгари сохтмон Вазорати нақлиёти Ҷумҳурии Тоҷикистон мебошад. Лоиҳаи бунёди пулро «Корпаратсияи чинӣ оид ба сохтмони роҳ ва купрўкҳо» дар амал татбиқ менамояд.

Корҳои тахту ҳамворкунӣ дар маҳали сохтмон бо ҷалби 5 нафар коргарон ва як техникаи пуриқтидор шуруъ гардид. Дар сари роҳи ин пул ҳамчунин манзили чанд сокини шаҳр ҷойгир аст, ки бо пардохти маблағ ба соҳибонашон ин манзилҳо аз байн бардошта мешаванд.

Пас аз як ҳафта таҳкурсии дарозтарин пули мошингузару пиёдагард дар ҳудуди вилоят гузошта мешавад. Яке аз сабабҳои бунёд намудани пули мазкур аз болои дарёи Ғунд ин аз байн бурдани роҳбандӣ дар хиёбони марказии ба номи Исмоили Сомонии шаҳр мебошад.

Алъон дар баробари мошинҳои сабукрав нақлиёти бузурҳаҷми боркаш низ аз роҳи марказӣ мегузаранд, ки ин ба ҳаракати муназзами нақлиёту рафтуомади пиёдагардон халал расонда, роҳбандиро ба вуҷуд меорад.

Шаҳри Хоруғ дар даврони соҳибистиқлолии мамлакат ба таври бесобиқа симои худро тағъир дода, бунёди манзилҳои бисёрошёна низ сол аз сол дар ҳоли афзудан аст. Бо зиёд шудани аҳолӣ табиист, ки шумораи мошинҳои сабукраву боркаш ҳам бештар мегардад.

Бо зиёд шудани миқдори нақлиёти шахсӣ, ҳамчунин ҳаракати нақлиёти боркаш ба воситаи роҳи байналмилалии Душанбе-Кӯлоб-Дарвоз-Хоруғ-Мурғоб роҳбандиро дар роҳи маркази вилоят — шаҳри Хоруғ мушкилоти зиёдеро ба бор меоварад. Баъди мавриди баҳрабардорӣ қарор гирифтани ин пул минбаъд мошинҳои боркаш аз канори шаҳр мегузаранд.

АКС: АМИТ «Ховар»

Июнь 9, 2023 19:36

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд