Дар Минск дурнамои рушди ҳамкорӣ дар самти муқовимат ба коррупсия баррасӣ шуд
ДУШАНБЕ, 14.06.2023. /АМИТ «Ховар»/. 12 июн дар шаҳри Минск директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода бо Прокурори генералии Ҷумҳурии Беларус Андрей Швед мулоқот намуд.
Аснои вохӯрӣ бо шароити кории кормандони Прокуратураи генералии Ҷумҳурии Беларус шиносоӣ пайдо намуда, рафти иҷрои муқаррароти Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус дар самти муқовимат ба коррупсия мавриди баррасӣ қарор гирифт.
Ҷонибҳо дар доираи Созишномаи болозикр ба тафтиши парвандаҳои ҷиноятии коррупсионӣ ва иқтисодии дорои хусусияти коррупсионӣ, инчунин расонидани ёрии ҳуқуқӣ бо парвандаҳои ҷиноятӣ таваҷҷуҳи махсус зоҳир карда, аз ҳолати кунунӣ ва дурнамои рушди ҳамкории мутақобилаи судманд дар самти муқовимат ба коррупсия изҳори қаноатмандӣ намуданд.
Ҳамзамон 12 июн директори Агентӣ бо раиси Шӯрои ҳамоҳангсозии роҳбарони мақомоти тафтиши молиявии давлатҳои аъзои Иттиҳоди Давлатҳои Мустақил — раиси Кумитаи назорати давлатии Ҷумҳурии Беларус, директори Департаменти тафтиши молиявӣ Игор Маршалов мулоқот анҷом дод.
Зимни мулоқот ҳолати иҷрои қарорҳои Шӯрои ҳамоҳангсозии роҳбарони мақомоти тафтиши молиявии давлатҳои аъзои Иттиҳоди Давлатҳои Мустақил ва дигар масъалаҳои вобаста ба коррупсия мавриди баррасӣ қарор гирифта, ба самаранокии ҳамкории байналмилалӣ дар самти мубориза бо ин падидаи номатлуб таваҷҷуҳи хосса зоҳир карда шуд.
Ҷонибҳо нақши Шӯрои мазкурро дар таҳкими сулҳу субот ва амнияти иқтисодӣ баланд арзёбӣ карда, ба густариши ҳамкории минбаъда изҳори умедворӣ намуданд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
