Дар ноҳияи Бобоҷон Ғафуров таъмини заминҳои кишоварзӣ бо оби полезӣ таҳти таваҷҷуҳи доимӣ қарор дорад
ДУШАНБЕ, 05.06.2023. /АМИТ «Ховар»/. Дар ноҳияи Бобоҷон Ғафуров тавассути пойгоҳи обкашии «Хоҷабоқирғон-1» 14 ҳазор гектар заминҳои кишоварзӣ обёрӣ карда мешавад. Пойгоҳи обкашии мазкур дорои 24 агрегат буда, барои беҳтар намудани иқтидори обрасонии он 6 агрегати нав дастрас гардид, ки васлу насби он идома дорад, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода дар ноҳияи Бобоҷон Ғафуров бо фаъолияти пойгоҳи обкашии «Хоҷабоқирғон-1» шинос шуда, ба масъулин ҷиҳати фаъолияти бонизоми корхона ва таъмини саривақтии кишоварзон бо оби полезӣ дастуру маслиҳатҳои муфид дод.
Роҳбари вилоят ҳамзамон дар Ҷамоати деҳоти Овчиқалъачаи ноҳия аз сойи Хоҷабоқирғон боздид кард.
Тибқи иттилои масъулин, тавассути сой то 3 метри кубӣ об ҷорӣ буда, минтақа бо оби полезӣ таъмин мебошад.
Бояд гуфт, ки дар маҷмуъ дар ноҳияи Бобоҷон Ғафуров 33 адад пойгоҳи обкашӣ мавҷуд буда, тавассути онҳо 22 ҳазор гектар заминҳои кишоварзӣ обёрӣ карда мешавад.
Саҳми кишоварзони ноҳияи Бобоҷон Ғафуров дар таъмини амнияти озуқавории мамлакат назаррас буда, деҳқонон аз имкониятҳои мавҷуда самаранок истифода менамоянд.
АКС: Хадамоти матбуоти Раиси вилояти Суғд
Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
Тавассути нақлиёти автомобилӣ қариб 24,5 миллион тонна бор ва 232,6 миллион нафар мусофир интиқол дода шуд
Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
