Дар «Саноатсодиротбонк» ҷашни Ваҳдати миллиро ботантана таҷлил намуданд
ДУШАНБЕ, 24.06.2023. /АМИТ «Ховар»/. Дар Корхонаи воҳиди давлатии бонки саноативу содиротии Тоҷикистон «Саноатсодиротбонк» ба муносибати 26-умин солгарди Рӯзи Ваҳдати миллӣ ҷаласаи тантанавӣ баргузор гардид. Дар ин хусус ба АМИТ «Ховар» дар бонки мазкур иттилоъ доданд.
Дар ҷаласа таъкид шуд, ки заминаи асосии ваҳдати миллӣ, пеш аз ҳама, ин бо такя ба хиради азалии мардуми тоҷик саъю талошҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буд, ки моро ба ин рӯзҳои фараҳу шодӣ расонд.
Иштирокдорон аз ваҳдату ягонагӣ ва хизматҳои шоёни Пешвои муаззами миллат ёдовар шуда, арҷгузорӣ ба муқаддасоти миллӣ ва таъриху фарҳанги мамлакатро қарзи шаҳрвандӣ шумориданд.
Дар идомаи ҷаласа оид ба татбиқ шудани дастуру супоришҳои Президенти мамлакат дар «Саноатсодиротбонк» маълумот дода шуда, натиҷаҳои фаъолияти кории бонк аз санаи таъсисёбӣ то имрӯз рӯнамоӣ гардид.
Бояд тазаккур дод, ки имрӯз дар остонаи ҷашни Рӯзи Ваҳдати миллӣ Корхонаи воҳиди давлатии бонки саноативу содиротии Тоҷикистон «Саноатсодиротбонк» ҳамчунин 3-солагии фаъолиятро таҷлил намуд. Дар ин ҷамъомад соҳибкорони фаъоле, ки мизоҷони бонк ҳастанд, бо «Сипосномаҳо» қадрдонӣ шуданд.
АКС: Корхонаи воҳиди давлатии бонки саноативу содиротии Тоҷикистон «Саноатсодиротбонк»
Се ташкилоти қарзии молиявии Тоҷикистон аз рӯйхати таҳримҳо хориҷ карда шуд
ҚУРБИ АСЪОР: 1 рубли русӣ аз 0.1200 то 0.1258 сомонӣ муқаррар шудааст
Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
Ҳамкории Тоҷикистон бо Бонки Осиёии сармоягузориҳои инфрасохторӣ густариш меёбад
Ҳайати Тоҷикистон бо ноиби президенти Бонки ҷаҳонӣ оид ба кишварҳои Аврупо ва Осиёи Марказӣ вохӯрӣ намуд
