Дар соли раёсати Тоҷикистон Фонди байналмилалии наҷоти Арал ба ҳайси нозир дар Маҷмаи Умумии СММ пазируфта шуд

Июнь 5, 2023 21:24

ДУШАНБЕ, 05.06.2023 /АМИТ «Ховар»/. Имрӯз, 5 июн дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аъзои Раёсати Фонди байналмилалии наҷоти Арал мулоқот намуданд. Дар мулоқот намояндагони Қазоқистон, Туркманистон ва Узбакистон иштирок доштанд, хабар медиҳад АМИТ «Ховар».

Пас аз мулоқот бо иштироки аъзои Раёсати Фонди байналмилалии наҷоти Арал барои намояндагони воситаҳои ахбори омма нишасти хабарӣ баргузор гардид.

Ба таъкиди муовини якуми Сарвазири Ҷумҳурии Қазоқистон Роман Скляр, имрӯз дар ҷаласаи навбатии Раёсати Фонди байналмилалии наҷоти Арал як қатор масъалаҳои муҳим баррасӣ ва қарорҳои ҳамоҳанггардида қабул шуданд.

Роман Скляр

«Мехоҳам таъкид намоям, ки дар давраи раёсати Ҷумҳурии Тоҷикистон дар Фонди байналмилалии наҷоти Арал як қатор қарорҳои муҳим қабул гардид. Аз ҷумла, Фонди байналмилалии наҷоти Арал дар Маҷмаи Умумии Созмони Милали Муттаҳид ба ҳайси нозир пазируфта шуд. Ин аз мақоми баланди ташкилоти мо гувоҳӣ медиҳад», — тазаккур дод Роман Скляр.

Номбурда иттилоъ дод, ки дар оянда раёсат дар Фонди байналмилалии наҷоти Арал аз Ҷумҳурии Тоҷикистон ба Ҷумҳурии Қазоқистон мегузарад. «Мо, раёсатро қабул карда, чораҳо меандешем, то тамоми механизмҳо ва муассисаҳои Фонди байналмилалии наҷоти Арал самаранок фаъолият намоянд. Имрӯз мо, роҳбарони кумитаҳои кишварӣ, ба Президенти Ҷумҳурии Тоҷикистон муҳтарам Эмомалӣ Раҳмон дар бораи фаъолияти кунунӣ, ки моро муттаҳид месозад, ҳисобот додем. Аз ҷумла, Ҷумҳурии Қазоқистон ба кори муътадили низоми гидроэнергетикии Тоҷикистон манфиатдор аст, то истеҳсолкунандагони кишоварзии мо ба миқдори зарурӣ об дастрас намоянд. Муносибатҳои дуҷонибаи Ҷумҳурии Қазоқистон ва Ҷумҳурии Тоҷикистон дар сатҳи бисёр баланд қарор доранд. Дар тамоми соҳаҳо пешравӣ дида мешавад», — гуфт муовини якуми Сарвазири Ҷумҳурии Қазоқистон.

Аннагелди Язмирадов

Муовини Раиси Девони вазирони Туркманистон Аннагелди Язмирадов изҳор дошт, ки «имрӯз бо Президенти Ҷумҳурии Тоҷикистон муҳтарам Эмомалӣ Раҳмон мулоқот баргузор гардид. Мо масъалаҳои ҷаласаи Раёсати Фонди байналмилалии наҷоти Арал ва ҳамчунин масъалаи истифодаи дарёҳои фаромарзиро, ки давлатҳои Осиёи Марказӣ истифода мебаранд, баррасӣ намудем. Муҳимияти истифодаи самараноки об барои шукуфоӣ ва пешрафти минтақаи Осиёи Марказӣ таъкид карда шуд.

Шуҳрат Ғаниев

Мушовири Президенти Ҷумҳурии Узбекистон Шуҳрат Ғаниев гуфт, ки «имрӯз аъзои Раёсати Фонди байналмилалии наҷоти Арал масъалаҳои ба рӯзномаи ҷаласа воридшударо баррасӣ намуданд. Фаъолияти назаррас ва пурсамари Кумитаи тадорукоти Фонди байналмилалии наҷоти Арал  таҳти раёсати Ҷумҳурии Тоҷикистон таъкид гардид. Дар мулоқот ба тавофуқ расидем, ки дар оянда фаъолияти Ташкилоти худро пурзур намоем, то ҳамкории байни давлатҳо боз ҳам самарабахштар гардад. Ҳама масъалаҳо имрӯз аз ҷониби Президенти Ҷумҳурии Тоҷикистон муҳтарам Эмомалӣ Раҳмон тасдиқ шуданд».

Бояд таззакур дод, ки имрӯз дар шаҳри Душанбе ҷаласаи Раёсати Фонди байналмилалии наҷоти Арал оғоз гардид, ки пагоҳ, 6 июн идома меёбад.

Ёдовар мешавем, ки Ҷаласаи 5-уми Машваратии Сарони давлатҳои Осиёи Марказӣ ва Ҷаласаи Шӯрои сарони давлатҳои муассиси Фонди байналмилалии наҷоти Арал 14-15 сентябри соли 2023 дар шаҳри Душанбе баргузор мегардад.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Июнь 5, 2023 21:24

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд
Сарвари давлат Эмомалӣ Раҳмон ҷаласаи Шурои амният баргузор намуданд
Президенти Ҷумҳурии Тоҷикистон Эмомалӣ Раҳмон ба Президенти Федератсияи Русия Владимир Путин барқияи табрикӣ ирсол намуданд
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
«ҶАҲОНРО БА ДОНИШ ТАВОН ЁФТАН…». Андешаҳо дар ҳошияи таъкидҳои Президенти Тоҷикистон дар мулоқот бо фаъолон, намояндагони ҷомеа ва ходимони дин
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Президенти Ҷумҳурии Тоҷикистон Эмомалӣ Раҳмон аз сафирони нави якчанд давлат эътимоднома қабул намуданд
ЭЪЛОН! Бақайдгирии намояндагони воситаҳои ахбори омма барои инъикоси Конфронси сеюми оби Душанбе оғоз шуд
Нахустин ҷаласаи кории ҳайати комиссияи Озмуни ҷумҳуриявии «Илм фурӯғи маърифат» дар соли 2024 баргузор гардид
«ТОҶИКИСТОН-ПЕШОҲАНГИ ҲИФЗИ ПИРЯХҲО ДАР ҶАҲОН». Таҳти ин унвон дар Душанбе конференсияи ҷумҳуриявии илмӣ-амалӣ баргузор шуд
Ҳангоми истифодаи хабару маводи сомона истинод ба www.khovar.tj ҳатмӣ аст!
ЭЪЛОН! 14 ва 15 март мулоқоти Президенти Ҷумҳурии Тоҷикистон бо намояндагони фаъоли ҷомеа ва ходимони дин аз тариқи ҳамаи шабакаҳои телевизионӣ ва радиоӣ такроран пахш карда мешавад