«КӮДАКОН ВА НАВРАСОН-САРВАТИ БЕБАҲОИ МИЛЛАТ». Таҳти ин унвон дар 13 кӯдакистони шаҳри Турсунзода барномаҳои идона доир шуд
ТУРСУНЗОДА, 01.06.2023. /АМИТ «Ховар»/. Дар 13 ширхоргоҳ-кӯдакистони шаҳри Турсунзода бахшида ба Рӯзи байналмилалии ҳифзи кӯдакон бо иштироки 1950 кӯдак таҳти унвони «Кӯдакон ва наврасон-сарвати бебаҳои миллат» барномаи идона баргузор гардид. Дар барномаҳои идона баҳри кӯдакону наврасон маҳфилҳои «Сайри маънӣ», «Гулбазми навқаламон», бозиҳои варзишиву намоиши маҳсули меҳнати дастии тарбиятгирандагони фаъол ва ҳамчунин барномаҳои фарҳангии кӯдакистонҳо ташкил шуд. Дар ин хусус ба мухбири минтақавии АМИТ «Ховар» Субҳониддини Маҳмуд дар шуъбаи маорифи шаҳри Турсунзода иттилоъ доданд.
Дар ин барномаҳо иброз гардид, ки кӯдакон ояндаи осудаву ободи ҳар миллат, сарвати бебаҳои ҳар оила, ҷомеа ва давлат ба шумор мераванд ва онҳо бахту саодати рӯзгори ҳар падару модар мебошанд. Хушбахтона, ин ид моро водор менамояд, ки барои саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар оила ва мактаб, инкишофи эҷодиёти бачагон ва тайёр намудани онҳо ба зиндагии оянда кӯшиш намоем. Мо онҳоро бояд дӯст дорем ва меҳру муҳаббати худро дар вуҷуди поку беолоиши онҳо ҷой диҳем.
Тибқи иттилои мутахассиси кабинети методии шуъбаи маорифи шаҳри Турсунзода Мунаввара Ҷобирова, дар шаҳри Турсунзода 13 ширхоргоҳ-кӯдакистон бо фарогирии 1950 кӯдак ва дар назди 88 муассисаи таълимӣ 124 гурӯҳи маркази инкишофи кӯдак бо фарогирии 2347 кӯдак фаъолият дорад. Дар ҳамаи кӯдакистонҳо беҳтарин шароити маишию таълимӣ муҳайё буда, кӯдакон бо беҳтарин барномаҳои таълимию тарбиявӣ ва забономӯзӣ фаро гирифта шудаанд. Ба хотири ҷалби бештари кӯдакон ба муассисаҳои томактабӣ ва ҳифзи ҳуқуқи онҳо дар шаҳри Турсунзода то ҷашни 35-солагии Истиқлоли давлатӣ 7 кӯдакистони нав сохта, ба истифода дода мешавад.
Мураббияи ширхоргоҳ-кӯдакистони рақами 14-и ҶСК “Насли наврас” дар шаҳри Турсунзода Насиба Шерова иброз дошт, ки «гурӯҳи кӯдаконе, ки ман тарбия мекунам, бо беҳтарин шароит таъмин буда, онҳо ба омӯзиши забонҳои русӣ, тоҷикӣ ва англисӣ машғул мебошанд. Ҳуқуқи онҳо ҳамеша ҳимоя мешавад ва кӯдакон аз ҳамаи намуди хизматрасонӣ бархурдор ҳастанд. Тарбиятгирандагони кӯдакистони мо хушбахт аз он мебошанд, ки ҳамеша дар чорабиниҳои сатҳи шаҳрӣ фаъолона иштирок намуда, бо донистани забонҳои гуногун ҳунари хешро нишон медиҳанд».
АКС: Мақомоти иҷроияи ҳокимияти давлатии шаҳри Турсунзода
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
