Маркази таълими калонсолони Тоҷикистон 500 ҳазор шаҳрвандро дар курсҳои кӯтоҳмуддат соҳибкасб намуд

Июнь 29, 2023 10:33

ДУШАНБЕ, 29.06.2023. /АМИТ «Ховар»/. Дар 15 соли фаъолият Муассисаи давлатии «Маркази таълими калонсолони Тоҷикистон» 500 ҳазор шаҳрвандро дар курсҳои кӯтоҳмуддат соҳибкасб намудааст, ки 33,6% -и онҳо тариқи Барномаи давлатии мусоидат ба шуғли аҳолии Ҷумҳурии Тоҷикистон ройгон ба омӯзиш фаро гирифта шудаанд. Дар ин хусус зимни баргузории конфронси илмӣ-амалӣ дар мавзӯи «Саҳми Муассисаи давлатии «Маркази таълими калонсолони Тоҷикистон» дар соҳибкасб намудани аҳолӣ» иттилоъ дода шуд.

Тавре ба АМИТ «Ховар» дар Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд, қабл аз оғози конфронс дар саҳни Маркази таълими калонсолони Тоҷикистон маҳсулоти офаридаи касбомӯзон ба намоиш гузошта шуд.

Дар чорабинӣ вобаста ба натиҷаҳои фаъолияти 15 -солаи Марказ ва саҳми он дар амалишавии барномаҳои давлатии мусоидат ба шуғли аҳолӣ, нақши низоми таҳсилоти калонсолон дар таъминоти кадрии соҳаи хизматрасонии иҷтимоии Тоҷикистон, рушди низоми омодасозии кадрҳо бо назардошти талаботи бозори меҳнат дар Ҷумҳурии Тоҷикистон ва Қонуни Ҷумҳурии Тоҷикистон «Дар бораи таҳсилоти калонсолон», нақши он дар танзими системаи таълими калонсолон ва ғайра маърӯзаҳо пешниҳод карда шуданд.

«Маркази таълими калонсолони Тоҷикистон» айни замон бо фарогирӣ аз 34 филиал, шаҳрвандонро аз рӯи 110 касбу ихтисос омода намуда, ба бозори меҳнат пешниҳод менамояд.

Тавре аз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бармеояд, Ҳукумати мамлакат то соли 2026 бо истифода аз тамоми имкониятҳо дар бобати ба касбу ҳунаромӯзӣ ҷалб кардани шаҳрвандони аз 18-сола боло, ки касбу ҳунар надоранд ва саросар соҳибкасб гардонидани аҳолӣ чораҷӯӣ менамояд. Дар ин самт аз ҷониби Муасисаи давлатии «Маркази таълими калонсолони Тоҷикистон» ҷиҳати беҳтар гардонидани сифати таҳсилоту касбомӯзӣ ва ба омӯзиши ихтисосу ҳунарҳои барои бозори меҳнат зарурӣ фаро гирифтани аҳолӣ тадбирҳои зарурӣ андешида мешавад.

АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон

Июнь 29, 2023 10:33

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд