МАВСИМИ ОББОЗӢ. Дар Бадахшон вобаста ба пешгирии ҳодисаҳои нохуш машқҳои тактикию амалӣ доир шуд
ХОРУҒ, 22.06.2023. /АМИТ «Ховар»/. Бо фаро расидани мавсими оббозӣ ташвишу изтироби волдайн ва масъулин меафзояд. Зеро аз таҳлилҳо бармеояд, ки дар баъзе мавридҳо аз сабаби надонистани қоидаҳои шиноварӣ ва дар ҷойҳои манъшуда оббозӣ кардан ҳодисаҳои нохуши ғарқшавӣ рух медиҳанд, ки боиси фавти кўдакону наврасон мегардад. Маркази таълимии методии Раёсати Кумитаи ҳолатҳои фавқулода ва мудофиаи гражданӣ дар Вилояти Мухтори Кӯҳистони Бадахшон зарур шумурд, ки барои пешгирии ҳодисаҳои нохуш шумораи машқҳои тактикию амалӣ ва навбатдории доимиро боз ҳам бештар роҳандозӣ намояд, хабар медиҳад мухбири минтақавии АМИТ «Ховар».
Машқи навбатии ин ниҳоди давлатӣ дар ҳавзи Боғи фарҳангии шаҳри Хоруғ, ки ягона макони оббозии кўдакону наврасони маҳаллаҳои шаҳр ба шумор меравад, доир гардид.
Таҳлилу мушоҳидаҳо нишон дод, ки аксари маврид одамон дар он маконҳое зери об мемонанд ва ҷонашонро аз даст медиҳанд, ки аз назарҳо дуранд ва аслан барои оббозӣ хеле хатарнок мебошанд. Кормандони раёсати Кумитаи ҳолатҳои фавқулода дар вилоят қабл аз мавсими оббозӣ ҳамаи ин ҷойҳоро муайян намуданд ва навбатдориро дар маконҳои хатарзо ба роҳ монданд. Дар назди маконҳои оббозӣ лавҳаҳои махсуси огоҳкунанда насб намуданд.
Мутахассисон дар ҷараёни машқҳои тактикӣ ба ҳамаи кӯдакону наврасон, ки ба оббозӣ машғул буданд ва ё бо волидони худ дар лаби ҳавз истироҳат мекарданд, риояи қоидаҳои бехатарро ҳангоми оббозӣ тавзеҳ доданд. Ҳамчунин ба онҳо варақаҳои таблиғотӣ, рақамҳои телефонҳои хадамоти фавриро доданд, ки дар мавридҳои зарурӣ аз он истифода баранд.
Корманди Раёсати Кумитаи ҳолатҳои фавқулода ва мудофиаи граждании вилоят Мунир Шикориев гуфт, ки дар робита ба ҳавои гарми рӯзҳои охир хатари рух додани чунин ҳодисаҳо дар обҳои вилоят меафзояд.
«Дар рӯзҳои таътили тобистона кӯдакону наврасон бештар вақти худро дар лаби рӯдхонаву ҳавзҳои табиию сунъӣ мегузаронанд. Бинобар ин таваҷҷуҳи имдодгарону наҷотдиҳандагон низ бештар ба кӯдаконест, ки дар соҳили дарё, ҳавзу обанборҳо гаштугузор мекунанд»,-изҳор дошт ӯ.
Чунин машқҳои амалӣ то охири мавсими оббозӣ дар дигар ноҳияҳои вилоят низ баргузор мегарданд. Зеро таъмини бехатариву амният дар обҳо яке аз вазифаҳои басо муҳими гурӯҳҳои наҷотдиҳии Кумитаҳои ҳолатҳои фавқулода ва мудофиаи гражадании ҷумҳурӣ ба ҳисоб меравад.
АКС: АМИТ «Ховар»
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
