«ШОҲРОҲИ ВАҲДАТ». Таҳти ин унвон дар Хоруғ фестивали ҷавонони шаҳру ноҳияҳои Тоҷикистон баргузор шуд
ДУШАНБЕ, 26.06.2023 /АМИТ «Ховар»/. Фестивали ҷавонони шаҳру ноҳияҳои Ҷумҳурии Тоҷикистон таҳти унвони «Шоҳроҳи ваҳдат» 24 июн дар маркази маъмурии Вилояти Мухтори Кӯҳистони Бадахшон — шаҳри Хоруғ баргузор гардид. Дар ин хусус АМИТ «Ховар» бо истинод ба рӯзномаи Нигини Хоруғ хабар медиҳад.
Дар фестивал иброз гардид, ки имрӯз Тоҷикистони соҳибистиқлол дар фазои орому осоишта ва сулҳу ваҳдат ба сӯи ояндаи дурахшон қадамҳои устувор гузошта, мардуми шарифи он дар шукргузорӣ аз ин неъмати бебаҳо ба меҳнати фидокорона ва созандагиву бунёдкориҳои тоза камари ҳиммат бастааст.
Тазаккур дода шуд, ки ташаббусҳои созандаи ҷавонон аз ҷониби Ҳукумати мамлакат ҳамеша дастгирӣ ёфта, ҷавонон дар корҳои роҳбарии шохаҳои ҳокимият, истеҳсолоту тиҷорат, илму таҳсилот ва ғайраҳо пурсамар фаъолият доранд.
Таъкид гардид, ки Пешвои миллат муҳтарам Эмомалӣ Раҳмон дар суханрониҳои худ ба ояндасозу парчамбардори миллат будани ҷавонон ишора намуда, таваҷҷуҳи тамоми сохторҳоро дар робита ба тарбия ва дастгирии ин қишри ҷомеа изҳор менамоянд.
Дар идома гуфта шуд, ки имрӯз аксарияти аҳолии Ҷумҳурии Тоҷикистонро ҷавонон ташкил медиҳанд ва онҳо неруи бузурги мутаҳаррики рушди мамлакат мебошанд. Тоҷикистон дар замони Истиқлоли давлатӣ таҳти сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавонист, комёбиҳои назаррасеро соҳиб гардад.
Иштирокдорон иброз намуданд, ки пешрафту ободӣ ва рушду шукуфоии ҳар ҷомеа аз суботу оромии давлат ва ваҳдату ягонагии мардуми он вобаста мебошад.
АКС: Рӯзномаи нигини Хоруғ
МАВСИМИ ОББОЗӢ. Агар оббозӣ карда натавонед, кӯшиши ба об даромадан накунед
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
23 МАЙ-РӮЗИ ҶАВОНОНИ ТОҶИКИСТОН. Ҷавонони тоҷик дар пешрафти илму техника ва ихтироъкорию навоварӣ саҳми арзанда мегузоранд
Суханронии Президенти Федератсияи футболи Тоҷикистон муҳтарам Рустами Эмомалӣ ба муносибати нахустин Рӯзи ҷаҳонии футбол
Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
