2500-СОЛАГИИ «ТАХТИ САНГИН». Вазорати фарҳанги Тоҷикистон барои таҷлили ин ҷашни таърихӣ ҳамаҷониба омодагӣ мебинад
ДУШАНБЕ, 26.07.2023. /АМИТ «Ховар»/. Имсол дар Тоҷикистон 2500-солагии шаҳраки қадимаи «Тахти Сангин» таҷлил мешавад, ки дар робита ба ин аз ҷониби Вазорати фарҳанги Ҷумҳурии Тоҷикистон баргузории чорабиниҳои гуногун ба нақша гирифта шудааст, иттилоъ дод Вазири фарҳанги Ҷумҳурии Тоҷикистон Зулфия Давлатзода имрӯз зимни нишасти матбуотӣ ба хабарнигорон.
Ёдгории таърихии «Тахти Сангин» дар даврони соҳибистиқлолӣ барои ворид гардидан ба Феҳристи мероси фарҳангии ҷаҳонии ЮНЕСКО пешниҳод шуда, моҳи ноябри соли 2021 номинаи Тоҷикистон оид ба 2500-солагии шаҳраки қадимаи «Тахти Сангин» ба Феҳристи ҷашнвораҳои ЮНЕСКО барои таҷлил дар солҳои 2022-2023 ворид гардид.
Вазири фарҳанг иброз намуд, ки «дар айни замон корҳо дар ёдгории таърихии «Тахти Сангин» идома дошта, барои таҷлили ин ҷашни таърихӣ ҳамаҷониба омодагӣ дида истодаем. Аз ҷумла, аз тарафи Муассисаи давлатии «Иттиҳодияи илмӣ-истеҳсолӣ оид ба тармим, барқарорсозӣ ва муҳофизати ёдгориҳои таърихию фарҳангӣ» -и Вазорати фарҳанги Ҷумҳурии Тоҷикистон корҳо пеш бурда шуда истодаанд. Вазорат тасмим гирифтааст, ки барои болопӯш намудани ин ёдгории таърихӣ корҳои назаррасро ба анҷом расонад.
Дар охир пешниҳод гардид, ки моҳи августи соли равон барои рӯзноманигорон ба ин мавзеъи таърихӣ саёҳати фарҳангиву сайёҳии дохилӣ ташкил шавад.
София ШОИК,
АМИТ «Ховар»
АКС: АМИТ «Ховар»
ТАҚВИМИ АМИТ «ХОВАР»: имрӯз 1 апрел, чоршанбе, 91-умин рӯзи соли 2026 аст
БАР ВАТАН СОДИҚОНА ХИЗМАТ КУНЕМ! Маъракаи даъвати баҳории ҷавонон ба сафи Қувваҳои Мусаллаҳи Тоҷикистон оғоз гардид
Дар Донишгоҳи давлатии Бохтар оид ба тағйирёбии иқлим ва таъсири он ба иқтисоди миллӣ ҳамоиш доир шуд
Дар Агентии инноватсия ва технологияҳои рақамӣ Ҷашни байналмилалии Наврӯзро бошукуҳ таҷлил намуданд
Дар деҳаи Корези ноҳияи Данғара Ҷашни байналмилалии Наврӯз таҷлил гардид
Сафири Тоҷикистон ба Президенти Фаронса эътимоднома супорид
Дар Прокуратураи ҳарбии гарнизони Суғд Наврӯз бо риояи анъанаҳои хоси ниёгонамон таҷлил шуд
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Намояндаи доимии Тоҷикистон бо Директори иҷроияи Академияи Созмони умумиҷаҳонии сайёҳӣ мулоқот намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
