АМНИЯТИ ОЗУҚАВОРӢ. Дар Истаравшан курси сайёри таҷрибаомӯзӣ аз рӯйи барномаи мазкур оғоз гардид
ДУШАНБЕ, 04.07.2023. /АМИТ «Ховар»/. 3 июл дар шаҳри Истаравшани вилояти Суғд курси сайёри таҷрибаомӯзӣ барои раисони ҷамоатҳои шаҳрак ва деҳоти шаҳри Истаравшан, ноҳияҳои Дарвоз, Спитамен, Файзобод, Шаҳринав ва Муъминобод аз рӯйи барномаи «Таъмини амнияти озуқаворӣ дар Ҷумҳурии Тоҷикистон» шуруъ гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Истаравшан хабар медиҳад.
Курси сайёри таҷрибаомӯзӣ аз 3 то 5 июли соли равон идома ёфта, дар рафти он шунавандагон бо таҷрибаи пешқадами сектори истеҳсолӣ ва хоҷагиҳои деҳқонии муваффақи ҳудуди шаҳри Истаравшан шинос гардида, донишу малакаи худро табодул менамоянд.
Дар ифтитоҳи курс иброз гардид, ки таъмини амнияти озуқаворӣ яке аз ҳадафҳои стретегии мамлакат ба шумор рафта, расидан ба он фаъолнокӣ ва муттаҳидиро талаб менамояд. Бахусус саҳми ҷамоатҳои шаҳрак ва деҳот дар ташаккули захираи озуқавории мамлакат ва дар ин росто расидан ба амнияти озуқаворӣ бисёр муҳим арзёбӣ мегардад.
Дар шароити кунунии ҷаҳони муосир ва буҳрони иқтисодии пешгӯинашаванда, ки ба як қатор омилҳои амниятиву сиёсӣ вобаста аст, ҳар давлатро зарур аст, ки барои таъмини амнияти озуқавории аҳолии худ тамоми имконоту иқтидори заруриро ба ин самт равона созанд.
Тазаккур дода шуд, ки дар рафти курси сайёри таҷрибаомӯзӣ иштирокчиён аз маконҳои таърихӣ, муассисаву ташкилотҳо, заводу фабрикаҳо ва хоҷагиҳои деҳқонии ҳудуди шаҳри Истаравшан дидан менамоянд.
Дар идома баён гардид, ки аҳли заҳмати шаҳри Истаравшан тӯли солҳои соҳибистиқлолӣ барои расидан ба ҳадафи стратегии мамлакат, яъне таъмини амнияти озуқаворӣ талош намуда, дар ин самт ба як қатор натиҷаҳои назаррас ноил гардидаанд. Айни ҳол дар миқёси вилояти Суғд шаҳри Истаравшан аз минтақаҳои пешсафи иқтисодӣ ба ҳисоб рафта, дар ҳудуди он заводу фабрикаҳои зиёде, ки вазифаашон таъмини бозори озуқаворӣ бо маводи истеъмолӣ мебошад, фаъолият менамояд.
Гуфта шуд, ки меҳнаткашони шаҳри Истаравшан минбаъд низ сиёсати пешгирифтаи роҳбарияти мамлакатро дастгирӣ намуда, дар пайи иҷрои ҳадафҳои он собитқадамона талош менамоянд.
АКС: Мақомоти иҷроияи ҳокимияти давлатии шаҳри Истаравшан
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
