БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Ҳисор Маҷмааи муқаддасоти миллӣ — Нишони давлатӣ ва Парчами миллӣ бунёд мегардад
ДУШАНБЕ, 26.07.2023 /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар шаҳри Ҳисор Маҷмааи муқаддасоти миллӣ — Нишони давлатӣ ва Парчами миллӣ бунёд карда мешавад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Бо мақсади тақвияти корҳои сохтмонӣ дар назди иншооти ҷашнии Маҷмааи Нишони давлатӣ ва Парчами миллӣ, ки дар шафати чойхонаи миллии «Харбуза» бунёд мегарданд, таҳти роҳбарии Раиси шаҳри Ҳисор ҷаласаи сайёри корӣ баргузор шуд.
Дар он эҳтиром ва арҷгузорӣ ба рамзҳои давлатӣ, ки соҳибистиқлолии давлатамонро муаррифӣ менамоянд, қарзи фарзандӣ ва вазифаи шаҳрвандии ҳар фарди ҷомеа маънидод шуда, поягузорӣ кардани он чун таҷассуми муҳаббату садоқат ва нишонаи идомаи анъанаҳои неки аҷдодиамон дар яке аз мавзеъҳои зебои шаҳр мояи ифтихору сарфарозии сокинони шаҳр арзёбӣ гардид.
Таъкид шуд, ки бо ташаббуси Мақомоти иҷроияи ҳокимияти давлатии шаҳри Ҳисор ва дастгирии соҳибкорон Маҷмааи муқаддасоти миллӣ — Нишони давлатӣ бо баландии 22 метр ва Парчами миллӣ бо баландии 45 метр бунёд меёбанд. Тибқи лоиҳа. роҳраву майдони атрофи маҷмаа чароғон ва майсазор шуда, бо гулу бутта ва дарахтони ороишӣ зиннат дода мешавад. Ҳамчунин дар атрофи маҷмаа барои кӯдакон бунёди боғи фарҳангӣ – фароғатӣ, насби аттраксионҳо барои дилхушии кӯдакон дар назар дошта шудааст. Изҳори итминон карда шуд, ки ояндаи наздик боғ ба яке аз мавзеъҳои барои сокинону меҳмонон ҷолиб табдил ёфта, ба ҳусни шаҳр зебогию дилрабоӣ мебахшад.
Дар робита ба тақвияти корҳои сохтмонӣ масъулин ба насби сангҳои ороишӣ, хаттотии навиштаҷот дар санг, кашидани хатҳои оби полезӣ ва ошомиданӣ, сафолакпӯшнамоии роҳравҳо, насби нишастгоҳҳо, чароғонкунӣ, бунёди ҷӯю обпарто ва партовгоҳҳо, гулшинонӣ ва сабзазоркуниву дарахтшинонӣ, кишти зироат дар майдон, инчунин дигар хизматрасонии иҷтимоӣ вазифадор шуданд.
Раиси шаҳр муҳлати анҷоми корҳои сохтмониро охири моҳи август ва ифтитоҳи иншоотро дар арафаи таҷлили ҷашнҳои дарпешистодаи миллиамон муайян намуд.
АКС: Мақомоти иҷроияи ҳокимияти давлатии шаҳри Ҳисор
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
