Барои иштирок дар Форуми ҷавонони Раёсати СММ роҷеъ ба маводи мухаддир ва ҷинояткорӣ озмун эълон мешавад
ДУШАНБЕ, 21.07.2023. /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои иштирок дар Форуми ҷавонони Раёсати Созмони Миллали Муттаҳид роҷеъ ба маводи мухаддир ва ҷинояткорӣ (UNODC) озмун эълон менамояд, хабар медиҳад АМИТ «Ховар» бо истинод ба Кумитаи мазкур.
Дар ҳошияи иҷлосияи навбатии Комиссияи маводи мухаддир Форуми ҷавонони Раёсати СММ роҷеъ ба маводи мухаддир ба нақша гирифта шудааст, ки ҳамасола барои ҷавонони фаъол ва ташаббускор, пешбарандаи масъалаҳои марбут ба ҷилавгирӣ аз нашъамандӣ, амнияти ҷомеа ва рушди ҷавонон баргузор мешавад. Вобаста ба ин Кумитаи кор бо ҷавонон ва варзиши ҷумҳурӣ даври қабули номзадҳоро барои Форуми ҷавонон дар соли 2024 эълон намудааст.
Хоҳишмандон (аз 14 то 23-сола) метавонанд маълумоти худро (маълумотнома ва шиноснома) барои иштирок дар чорабинии мазкур то 20 августи соли равон ба суроғаи mehrobhusain@yahoo.com ирсол намоянд. Хароҷоти пурраи сафар аз ҷониби даъваткунанда пардохт мешавад.
Забони кории ҳамоиш англисӣ буда, бе тарҷума мегузарад. Аз ин лиҳоз ҳамаи номзадҳои пешниҳодшаванда бояд забони англисиро дар сатҳи хуби корӣ донанд, то дар мубоҳисаҳои иҷлосия иштирок карда тавонанд.
Баргузории ҳамоиш моҳи марти соли 2024 дар шаҳри Венаи Австрия дар назар аст.
АКС аз манбаъҳои боз
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
ТАРМАФАРОӢ. Дар Тоҷикистон фаромадани тарма аз нимаи моҳи декабр то моҳи апрел дар назар аст
Соли 2026 дар Тоҷикистон ҷаласаи Шурои вазирони корҳои дохилии давлатҳои ИДМ баргузор мегардад
Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
Мубориза бар зидди терроризму экстремизм дар меҳвари Паёми Президенти Тоҷикистон қарор дорад
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
