«CAFA FUTSAL CUP-2023». Дастаи мунтахаби Тоҷикистон оид ба футзал нахустин бозии худро анҷом дод

Июль 24, 2023 08:35

ДУШАНБЕ, 24.07.2023 /АМИТ «Ховар»/. 23 июл дар шаҳри Душанбе таҳти сарпарастии Ассотсиатсияи футболи Осиёи Марказӣ (CAFA) нахустин мусобиқа байни дастаҳои миллии футзал оғоз шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Дастаи мунтахаби Тоҷикистон оид ба футзал дар бозии нахустинаш дар мусобиқаи «CAFA Futsal Cup-2023» аз барандаи медали биринҷии Ҷоми Осиё-2022 – дастаи Узбекистон бо ҳисоби 2:4 шикаст хӯрд. Аз ҳайати дастаи мо Файзалӣ Сардоров ва Дилшод Саломов гол заданд.

Дар вохӯриҳои дигар дастаи Афғонистон бар тими Қирғизистон бо ҳисоби 5:4 ва дастаи Туркманистон бар футзалбозони Эрон бо ҳисоби 2:1 пирӯзӣ ба даст оварданд.

Бозиҳои даври дуюм имрӯз,  24 июл баргузор мешаванд. Соати 14:00 дастаҳои миллии Эрон ва Қирғизистон вомехӯранд. Сипас соати 17:00 вохӯрии дастаҳои Узбекистон ва Афғонистон оғоз мешавад. Соати 20:00 дастаҳои Тоҷикистон ва Туркманистон ба ҳам меоянд.

«CAFA Futsal Cup-2023»

Даври 1

Узбекистон – ТОҶИКИСТОН – 4:2

Голҳо: Дилшод Раҳматов, 16 (1:0). Ҳусниддин Нишонов, 18 (2:0). Файзалӣ Сардоров, 19 – аз пеналти (2:1). Акбар Усмонов, 24 (3:1). Дилшод Саломов, 25 (3:2). Илҳомҷон Ҳамроев, 33 (4:2).

Беҳтарин бозигари бозӣ: Акбар Усмонов (Узбекистон).

23 июл. Душанбе. Қасри теннис ва маҷмааи варзиши обӣ. 800 тамошобин.

Қирғизистон – Афғонистон – 4:5

Голҳо: Дониёр Талайбеков, 5 (1:0). Шоҳрух Маҳмадаминов, 6 (2:0). Ризо Ҳусейн Факир, 10 (2:1). Муҳаммад Алии Фаёзӣ, 13 (2:2). Ҳомид Ризо Ҳусайнӣ, 15 (2:3). Меҳрон Ғуломӣ, 18 (2:4). Муҳаммад Аскарбеков, 25 (3:4). Дониёр Талайбеков, 34 (4:4). Меҳрон Ғуломӣ, 38 (4:5).

Беҳтарин бозигари бозӣ: Меҳрон Ғуломӣ (Афғонистон).

23 июл. Душанбе. Қасри теннис ва маҷмааи варзиши обӣ. 105 тамошобин.

Эрон – Туркманистон – 1:2

Голҳо: Гиличмурод Гиличмуродов, 32 (0:1). Алӣ Акрамӣ, 33 (1:1). Мақсад Султонов, 38 (1:2).

Беҳтарин бозигари бозӣ: Пиргулӣ Гиличмуродов (Туркманистон).

23 июл. Душанбе. Қасри теннис ва маҷмааи варзиши обӣ. 300 тамошобин.

Даври 2

24 июл (душанбе)

14:00 Эрон – Қирғизистон

17:00 Узбекистон – Афғонистон

20:00 ТОҶИКИСТОН – Туркманистон

Даври 3

26 июл (чоршанбе)

14:00 Туркманистон – Узбекистон

17:00 Афғонистон – Эрон

20:00 ТОҶИКИСТОН – Қирғизистон

Даври 4

28 июл (ҷумъа)

14:00 Эрон – Узбекистон

17:00 Қирғизистон – Туркманистон

20:00 Афғонистон – ТОҶИКИСТОН

Даври 5

30 июл (якшанбе)

14:00 Туркманистон – Афғонистон

17:00 Узбекистон – Қирғизистон

20:00 ТОҶИКИСТОН – Эрон

АКС: Федератсияи футболи Тоҷикистон

Июль 24, 2023 08:35

Хабарҳои дигари ин бахш

Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард