Дар шаҳри Душанбе Рӯзҳои фарҳанги Федератсияи Русия ифтитоҳ гардид
ДУШАНБЕ, 08.07.2023. /АМИТ «Ховар»/. Шоми 7 июл дар Театри давлатии академии опера ва балети Тоҷикистон ба номи С. Айнӣ Рӯзҳои фарҳанги Федератсияи Русия дар Ҷумҳурии Тоҷикистон ифтитоҳ гардиданд. Дар ин хусус ба АМИТ «Ховар» дар маркази матбуоти Вазорати фарҳанги Ҷумҳурии Тоҷикистон хабар доданд.
Дар маросими мазкур муовини Сарвазири Ҷумҳурии Тоҷикистон Матлубахон Саттороён, муовини Вазири фарҳанги Федератсияи Русия Надежда Преподобная, роҳбарияти Вазорати фарҳанги Ҷумҳурии Тоҷикистон, намояндагони корпуси дипломатӣ ва аҳли фарҳангу ҳунар иштирок намуданд.
Нахуст муовини Сарвазири мамлакат Матлубахон Сатториён ташрифи меҳмононро ба ҷумҳурӣ хайрамақдам гуфта, баргузории Рӯзҳои фарҳанги Русияро дар Тоҷикистон падидаи фараҳбахши фарҳангӣ арзёбӣ намуд.
Ҳамзамон муовини Вазири фарҳанги Федератсияи Русия Надежда Преподобная барои истиқболу пазироии гарму самимона ва меҳмоннавозии хоси тоҷикона ба Ҳукумати Ҷумҳурии Тоҷикистон ва Вазорати фарҳанги Ҷумҳурии Тоҷикистон миннатдорӣ баён кард.
Сипас дар фазои тантанавӣ барномаи ҷолиби ҳунарии пианинанавози машҳур, Ҳунарманди халқии Русия Денис Матсуев манзури аҳли нишаст гардид.
Ҳунарманд бо маҳорати баланди эҷодӣ оҳангҳои классикӣ ва ҷазро дар сози пианино пешкаши аҳли фарҳангу ҳунари мамлакат гардонид, ки ҳозирин бо кафкӯбиҳои бардавом баромади ҳунармандро истиқбол гирифтанд.
Ёдовар мешавем, ки Рӯзҳои фарҳанги Федератсияи Русия дар Ҷумҳурии Тоҷикистон идома дошта, рӯзи 9 июл соати 18.00 дар Театри давлатии Академии опера ва балети Тоҷикистон ба номи С. Айнӣ барномаи ҳунарии Ансамбли давлатии академии рақси халқии «Налмэс» –и Ҷумҳурии Адигея баргузор мегардад.
АКС: Маркази матбуоти Вазорати фарҳанги Ҷумҳурии Тоҷикистон
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
