ДАСТГИРИИ ДАВЛАТ. Дар Хатлон 3128 нафар омӯзгори ҷавон аз имтиёзҳо баҳравар гаштаанд
ДУШАНБЕ, 06.07.2023. /АМИТ «Ховар»/. Аз соли 2007 то инҷониб дар асоси Қарори Ҳукумати Ҷумҳурии Тоҷикистон «Дар бораи муқаррар намудани имтиёзҳо барои омӯзгорони ҷавон» 2212 нафар омӯзгори ҷавон соҳиби замини наздиҳавлигӣ ва 187 нафар соҳиби замини полезӣ гардида, ба 729 нафар қарзҳои имтиёзнок дода шудааст, ки дар умум 3128 нафарро ташкил медиҳанд. Дар ин хусус ба АМИТ «Ховар» дар Раёсати маорифи вилояти Хатлон иттилоъ доданд
Ҳамзамон дар нимсолаи якуми соли равон, дар асоси қарори мазкур ба 60 нафар омӯзгори ҷавон дар шаҳру ноҳияҳои вилояти Хатлон замини наздиҳавлигӣ дода шудааст. Инчунин ба 64 нафар қарзҳои имтиёзнок додаанд, ки дар самти пешбурди зиндагӣ аз онҳо истифода намудаанд. Яъне, дар умум дар ин давра 124 нафар омӯзгорони ҷавон аз имтиёзҳо бархурдор шудаанд.
Гуфта шуд, ки масъалаи бо истифода аз Қарори Ҳукумати Ҷумҳурии Тоҷикистон «Дар бораи муқаррар намудани имтиёзҳо барои омӯзгорони ҷавон» дар шаҳру ноҳияҳо ҳавасманд намудани омӯзгорони ҷавон дар маркази таваҷҷуҳ дар сатҳи вилояти Хатлон қарор дорад.
Бояд тазаккур дод, ки бо дастгирии Ҳукумати мамлакат баҳри баланд бардоштани мақоми омӯзгор дар ҷомеа, бартараф намудани норасоии кадрӣ, таъмини шароити созгор барои маорифчиён ва баланд бардоштани савияи дониши хонандагон ҷаҳду талоши зиёд ба роҳ монда мешавад.
Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паём ба Маҷлиси Олии Ҷумҳурии Тоҷикистон 23 декабри соли 2022 арҷу эҳтиромро нисбат ба омӯзгор аз ҷумлаи масъалаҳои муҳим унвон карданд.
«Мо мактабро ба ҳайси боргоҳи илму дониш, саводу маърифат ва омӯзгорро чун шахси мафкурасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем», — тазаккур доданд Сарвари давлат.
АКС: Раёсати маорифи вилояти Хатлон
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
