«ФУТБОЛ БА НАЗДИ ШУМО МЕОЯД». Мавсими даҳуми лоиҳа зиёда аз 30 ҳазор кӯдакро фаро гирифт
ДУШАНБЕ, 14.07.2023 /АМИТ «Ховар»/. Мавсими даҳуми лоиҳаи футбол барои кӯдакон «Футбол ба назди Шумо меояд» беш аз 30 ҳазор кӯдакро дар тамоми минтақаи мамлакат фаро гирифт.
Дар мавсими ҷашнии лоиҳаи «Футбол ба назди Шумо меояд» дар маҷмуъ 34 ҳазору 841 кӯдак аз 39 шаҳру ноҳияи Тоҷикистон ҷалб гардид. Дар мусобиқаи шаҳри Душанбе 6617 нафар, дар вилояти Суғд 17363 нафар, дар минтақаи Бохтари вилояти Хатлон 3795 нафар, дар минтақаи Кӯлоби вилояти Хатлон 3700 нафар, дар шаҳру ноҳияҳои тобеи ҷумҳурӣ (ШНТМ) 2568 нафар ва дар Вилояти Мухтори Кӯҳистони Бадахшон (ВМКБ) 798 нафар иштирок намуданд.
Лоиҳаи «Футбол ба назди Шумо меояд» дар ду марҳила баргузор гардид. Дар аввал шумораи номаҳдуди дастаҳо иштирок намуд. 12 дастаи беҳтарин дар се категорияи синну сол – байни кӯдакони то 7, 9 ва 11-сола ба қисми ниҳоӣ роҳ ёфтанд.
«Футбол ба назди Шумо меояд» дар таърихи худ теъдоди зиёди кӯдаконро ба футбол ҷалб намудааст. Яке аз ҳадафҳои асосии лоиҳа бедор намудани муҳаббати кӯдакон ба футбол ва тарзи ҳаёти солим мебошад.
Бояд тазаккур дод, ки соли гузашта Конфедератсияи футболи Осиё лоиҳаи Лигаи футболи кӯдакону наврасони Тоҷикистон – «Футбол ба назди Шумо меояд»-ро яке аз беҳтарин лоиҳаҳои оммавӣ – мусобиқаи намунавии футболи оммавӣ дар қитъаи Осиё эътироф намуда буд.
АКС: Федератсияи футболи Тоҷикистон
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
