Марҳилаи аввали Суперлигаи Тоҷикистон-2023 оид ба футзал ба анҷом расид

ДУШАНБЕ, 04.07.2023 /АМИТ «Ховар»/. Марҳилаи аввали Суперлигаи Тоҷикистон-2023 бо баргузории се бозии даври панҷум анҷом ёфт. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Дар бозии марказии даври панҷум «Соро компания» бар «Амонатбонк» бо ҳисоби 6:4 пирӯз шуд.

Дар бозии дигар футзалбозони «Истиқлол» ба дарвозаи  «Истаравшан» чордаҳ гол заданд.

«Самандар»-и Турсунзода дар меҳмонӣ бар «Пойтахт» бо ҳисоби 8:5 пирӯз шуда, аввалин ғалабаашро дар мавсим ба даст овард.

Ҳамин тариқ, пас аз марҳилаи аввали Суперлигаи Тоҷикистон ду даста – «Истиқлол» ва «Соро компания» бо 13-имтиёзӣ дар садри ҷадвал қарор доранд.

Дар робита ба иштироки мунтахаби Тоҷикистон дар мусобиқаи «CAFA Futsal Cup-2023» дар чемпионати мамлакат танаффус эълон шуд. Марҳилаи дуюми Суперлига аввали моҳи август оғоз мешавад.

АКС: Федератсияи футболи Тоҷикистон