НИШАСТИ МАТБУОТӢ. Литсейи назди Донишгоҳи давлатии омӯзгории Тоҷикистон бо забонҳои тоҷикӣ, русӣ ва англисӣ ба фаъолият оғоз менамояд
ДУШАНБЕ, 27.07.2023. /АМИТ «Ховар»/. Шуруъ аз соли нави хониш Литсейи назди Донишгоҳи давлатии омӯзгории Тоҷикистон ба номи Садриддин Айнӣ барои синфҳои 5-11 (бо забонҳои тоҷикӣ, русӣ ва англисӣ) ба фаъолият оғоз менамояд, иттилоъ дод Ректори Донишгоҳи давлатии омӯзгории Тоҷикистон Аҳлиддин Ибодуллозода имрӯз дар нишасти матбуотӣ.
Ректори донишгоҳ иброз дошт, ки дар факултетҳои химия, биология ва физика боз 3 озмоишгоҳи замонавӣ барои таҷрибаомӯзиву дарсҳои лабораторӣ ба истифода дода мешаванд.
Ҳамзамон гуфта шуд, ки то оғози соли нави таҳсил бинои нави дуошёнаи таҷрибомӯзӣ барои донишҷӯёни факултетҳои химия, биология ва география мавриди истифода қарор мегирад.
«Илова бар ин бинои таълимии замонавии 5-ошёнаи таълимӣ низ то аввали соли нави таҳсил ба истифода дода мешавад. Бори нахуст дар назди хобгоҳи донишгоҳ меҳмонхона барои меҳмонони хориҷие, ки дар доираи ҳамкории дуҷониба ба донишгоҳ меоянд, ба хизматрасонӣ шуруъ менамояд. Ин меҳмонхона тибқи талаботи имрӯза таъмиру муҷаҳҳаз шудааст», -гуфт ректори донишгоҳ.
Иттилоъ дода шуд, ки дар соли нави таҳсил раёсати донишгоҳ нақша дорад, ки бо мизу курсиҳои истеҳсолнамудаи Парки технологии донишгоҳ боз 5 мактабро бо таҷҳизоти зарурии замонавӣ таъмин намояд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
