Соли равон дар Хуҷанд 34 корхонаи нав таъсис ёфта, 208 нафар бо ҷойи кори доимӣ таъмин шуданд
ДУШАНБЕ, 12.07.2023. /АМИТ «Ховар»/. Дар нимсолаи аввали соли равон дар шаҳри Хуҷанд 34 корхонаи нави хурду миёнаи истеҳсолии пурра муҷаҳҳаз бо таҷҳизоти замонавӣ таъсис дода шуда, шумораи умумии корхонаҳои саноатии шаҳр ба 241 адад расид, ки танҳо аз ҳисоби корхонаҳои нав бунёдгашта 208 нафар бо ҷойи кори доимӣ таъмин шуданд. Дар ин хусус ба АМИТ «Ховар» дар Мақомоти ироҷияи ҳокимияти давлатии шаҳри Хуҷанд хабар доданд.
Ҳамзамон дар 108 корхонаи хурду калон маҳсулотҳои ивазкунандаи воридот ба маблағи 369,8 млн. сомонӣ истеҳсол гардид, ки нисбат ба ҳамин давраи соли сипаригашта 47,4 млн. сомонӣ ё 14,7 фоиз зиёд мебошад.
Ба иттилои манбаъ, дар нимсолаи якуми соли ҷорӣ ҳаҷми истеҳсоли маҳсулоти саноатӣ бо назардошти истеҳсол ва фурӯши обу барқ ба 738,9 миллион сомонӣ баробар гашта, нисбат ба ҳамин давраи соли сипарӣ 115,4 фоизро ташкил додааст. Аз ин миқдор ба маблағи 213,6 миллион сомонӣ ба хориҷи мамлакат маҳсулот содирот карда шудааст, ки он нисбат ба нишондиҳандаи ҳамин давраи соли гузашта 26,3 млн. сомонӣ афзоиш ёфта, барои рушди иқтидори содиротии шаҳр заминаи устувор мегузорад.
Илова бар ин, дар шаҳр номгӯи намуди маҳсулоти саноатӣ низ зиёд шудааст, ки онҳо асосан аз ашёи хоми маҳаллии аз ҷиҳати экологӣ тоза истеҳсол гардида, ба 17 кишвари хориҷӣ содирот карда мешавад.Дар корхонаҳои саноатии шаҳр бештар маҳсулоти армуғонӣ, маҳсулоти заргарӣ, собуни хоҷагӣ ва пойафзоли бачагона истеҳсол гардида, содирот низ карда мешаванд.
АКС: Мақомоти ироҷияи ҳокимияти давлатии шаҳри Хуҷанд
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
