Театри давлатии ҷумҳуриявии лӯхтаки шаҳри Душанбе дар Ҷумҳурии Хакасия намоишномаи «Наврӯз»-ро пешниҳоди тамошобинон мегардонад
ДУШАНБЕ, 03.07.2023. /АМИТ «Ховар»/. Аз 2 то 10 июли соли равон гурӯҳи эҷодии Театри давлатии ҷумҳуриявии лӯхтаки шаҳри Душанбе бо дастгирии Вазорати фарҳанги Ҷумҳурии Тоҷикистон дар дувоздаҳумин Ҷашнвораи байналмилалии экологиву этникии театрҳои лӯхтак, ки дар Ҷумҳурии Хакасия таҳти унвони «Чир чайаан дар болои алаф» баргузор мегардад, иштирок менамояд. Дар ин хусус ба АМИТ «Ховар» дар Вазорати фарҳанги ҷумҳурӣ хабар доданд.
Дар ҷашнвораи мазкур аз ҷониби ҳунармандони тоҷик намоиши «Наврӯз» пешкаши ҳакамон ва тамошобинон гардонида мешавад.
Намоиши «Наврӯз» (муаллиф Ҳотам Салимов, коргардони таҳиягар Ҳунарпешаи шоистаи Тоҷикистон Иззатулло Сафаров) асари нави саҳнавӣ буда, ба тарзи хиёбонӣ ба саҳна гузошта шудааст. Маросимҳои суннатии наврӯзӣ, аз ҷумла гулгардонии кӯдакон, мушоира, ҳунарнамоии мутрибону овозхонон, паҳлавонон, масхарабозон, хурӯсҷанг, кабкҷанг, буҷулбозӣ, арғамчинкашӣ, афрӯхтани оташ, маросими аловпарак, пӯхтани суманак, рақсу бозиҳои мардумӣ ва ғайра бо маҳорат ва ба таври зиндаву боварибахш нишон дода мешаванд.
Дар ҷашнвораи номбурда ҳунармандони театрҳои лӯхтаки Федератсияи Русия, Тоҷикистон, Эрон, Беларус, Италия, Фаронса, Финляндия, Бразилия, Ҷопон, Чин, Исроил ва ғайра иштирок менамоянд.
Бояд тазаккур дод, ки 4 июл дар Боғи фарҳанг ва фароғати шаҳри Абакан намоиши ҳунармандони Театри лӯхтаки тоҷик доир мегардад. Ба ғайр аз ин, дар ду шаҳри калони Ҷумҳурии Хакасия– 5 июл дар шаҳри Аскиз ва 7 июл дар шаҳри Абаз ду намоиши иловагӣ ба нақша гирифта шудааст. Гурӯҳи эҷодии Театри давлатии лӯхтаки шаҳри Душанберо роҳбари бадеии театр Наргис Розиқзода сарварӣ мекунад.
Бояд гуфт, ки Театри давлатии лӯхтаки шаҳри Душанбе соли 2005 дар сеюмин Ҷашнвораи байналмилалии экологиву этникии театрҳои лӯхтак «Чир чайаан дар болои алаф» бо намоиши «Офтобак, Моҳтобак ва Хурӯсак» (муаллиф Шамсӣ Қиёмов) иштирок намуда, сазовори Диплом ва ҷоиза гардида буд.
АКС: Вазорати фарҳанги Ҷумҳурии Тоҷикистон
Дар ноҳияи Вахш даври шаҳрии Фестивали ҷумҳуриявии «Сад ранги чакан» баргузор гардид
Моҳи сентябр дар Тоҷикистон 700-солагии Ҳофизи Шерозӣ ҷашн гирифта мешавад
«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
