«ТОҶИКИСТОН-ВАТАНИ АЗИЗИ МАН». 2078 довталаб ба даври дуюм роҳхат гирифтанд
ДУШАНБЕ, 07.07.2023. /АМИТ «Ховар»/. Даври якуми Озмуни ҷумҳуриявии «Тоҷикистон-Ватани азизи ман» аз рӯи панҷ номинатсия ҷамъбаст гардид. Дар он 4442 нафар довталаб иштирок намуда, 2078 нафар ба даври дуюм роҳхат гирифтанд. Дар ин хусус ба АМИТ «Ховар» дар маркази матбуоти Вазорати фарҳанги Ҷумҳурии Тоҷикистон хабар доданд.
Даври якуми Озмуни ҷумҳуриявии «Тоҷикистон-Ватани азизи ман» тибқи ҷадвали тасдиқшуда, аз 10 май оғоз гардида, 16 июни соли 2023 дар ноҳияҳои ВМКБ, вилоятҳои Суғду Хатлон, шаҳри Душанбе ва ноҳияҳои тобеи ҷумҳурӣ аз рӯи панҷ номинатсия ҷамъбаст гардид. Аз ҷумла, дар Вилояти Мухтори Куҳистони Бадахшон 640 нафар довталаб иштирок намуд, ки ба даври дуюми озмун 342 нафар (108 нафар аз 18 то 40 сола ва 234 нафар аз 12 то 17 сола ) роҳхат гирифтанд.
Дар вилояти Хатлон 1021 нафар довталаб дар озмун иштирок намуда, 706 нафар ба даври дуюм роҳхат гирифтанд, ки аз ин шумора 484 нафар аз 12 то 17- сола, 222 нафар аз 18 то 40- соларо ташкил медиҳанд.
Дар вилояти Суғд 1128 нафар довталаб иштирок намуда, ки ба даври дуюми озмун 459 нафар (193 нафар аз 18 то 40- сола ва 266 нафар аз 12 то 17- сола) роҳхат гирифтанд;
Дар ноҳияҳои шаҳри Душанбе 518 нафар (Сино-115н., Исмоили Сомонӣ-167н., Шоҳмансур-134н., Фирдавсӣ-102 н.) довталаб иштирок намуданд, ки ба даври дуюми озмун 253 нафар (115 нафар аз 18 то 40- сола ва 138 нафар аз 12 то 17- сола) роҳхат гирифтанд;
Инчунин дар ноҳияҳои тобеи ҷумҳурӣ 1135 нафар (Турсунзода-270, Шаҳринав-80, Ҳисор-120 , Варзоб -65, Рӯдакӣ -154, Ваҳдат -72, Файзобод -82 , Роғун – 114 , Нуробод – 52, Сангвор – 23, Рашт -57, Тоҷикобод -22, Лахш – 24) довталаб иштирок намуда, 318 нафар ба даври дуюм роҳхат гирифтанд, ки аз ин теъдод 211 аз 12 то 17 -сола ва 107 аз 18 то 40 -сола мебошанд.
Таҳлилҳои ҷамъбасти даври якум нишон медиҳанд, ки иштироки довталабон нисбат ба ҳамин давраи соли гузашта 1068 нафар зиёд мебошад.
Бояд тазаккур дод, ки соли панҷум аст, ки Озмуни ҷумҳуриявии «Тоҷикистон – Ватани азизи ман» дар саросари мамлакат баргузор мегардад.
Бо итминон метавон иброз намуд, ки Озмуни мазкур дар тӯли солҳои 2019-2022 намунаҳои беҳтарини ҳунари асилро аз тамоми манотиқи Тоҷикистони азиз ба ҳам овард, истеъдодҳои зиёдеро дар фазои фарҳангии мамлакат кашф намуд.
Имсол низ бо Амри Президенти Ҷумҳурии Тоҷикистон аз 2 феврали соли 2023, Озмуни ҷумҳуриявии “Тоҷикистон-Ватани азизи ман” бо тасдиқи Низомнома ва ҳайати Комиссияи ҷумҳуриявӣ аз нав ба тасвиб расидааст.
АКС аз манбаъҳои боз
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
