«АНДАЛЕБ-2023». 18 август барномаи фарҳангии гулчини фестивал ва маросими мукофотсупорӣ доир мешавад
ДУШАНБЕ, 17.08.2023. /АМИТ «Ховар»/. Имрӯз, 17 август, аз соати 09:00 то 20:00 тамрини гурӯҳҳои ҳунарӣ ва 18 август, соати 18:00 барномаи фарҳангии гулчини Фестивал-озмуни ҷумҳуриявии телевизионии эҷодиёти халқ «Андалеб-2023» ва маросими мукофотсупорӣ дар назар аст. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон хабар медиҳад.
14 август даври дуюми Фестивал-озмуни ҷумҳуриявии телевизионии эҷодиёти халқ «Андалеб-2023» бо иштироки ҳунармандони шаҳри Ҳисор ва ноҳияи Рӯшони Вилояти Мухтори Кӯҳистони Бадахшон дар Боғи фарҳангию фароғатии ба номи Садриддин Айнӣ идома ёфт. Ҳунармандон бо пешниҳоди маҳсулоти нонӣ, ҳунарҳои мардумӣ, гудӯзию кашидадӯзӣ, расму оинҳои миллӣ, суруду рақсҳои халқӣ хотири меҳмонон, иштирокчиён ва ҳакамони фестивалро шод гардониданд.
Ҳамзамон 15 август дар даври дуюми Фестивал-озмуни ҷумҳуриявии телевизионии эҷодиёти халқ «Андалеб-2023» ҳунармандони ноҳияи Мастчоҳи вилояти Суғд ва Абдураҳмони Ҷомии вилояти Хатлон беҳтарин намунаи ҳунарҳои мардумӣ ва расму оинҳои миллиро пешниҳод намуданд.
Намоиш ва барномаи ҳунарии иштирокчиён дар Боғи фарҳангию фароғатии ба номи Садриддин Айнӣ баргузор гардида, меҳмонон, аъзои ҳакамон ва сокинони пойтахт бо ҷараёни баргузории фестивал-озмун шинос шуданд.
Инчунин 16 август дар Боғи фарҳангию фароғатии ба номи Садриддин Айнӣ ҳунармандони ноҳияҳои Муъминобод ва Файзобод дар даври дуюми Фестивал-озмуни ҷумҳуриявии телевизионии эҷодиёти халқ «Андалеб-2023» баромад намуданд.
Барномаи пешниҳоднамудаи ҳунармандон бо шукуҳу шаҳомати хосса, расму оинҳои миллӣ ва ҳунарҳои мардумӣ манзури меҳмонону сокинон ва ҳакамони фестивал гардонида шуд.
Ёдовар мешавем, ки фестивали мазкур 11 август оғоз гардида, ҳамарӯза соати 18:00 манзури тамошобинони пойтахт гардонида мешавад.
АКС: Вазорати фарҳанги Ҷумҳурии Тоҷикистон
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
