БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар Фурудгоҳи байналмилалии Хуҷанд меҳмонхона ва тарабхона бунёд мегарданд
ДУШАНБЕ, 01.08.2023 /АМИТ «Ховар»/. Дар Фурудгоҳи байналмилалии Хуҷанд барои нигаҳдории мошинҳо дар минтақаи истгоҳи мошинҳои махсус гӯшаҳо бо ғунҷоиши 20 нақлиёт бунёд гардида, дар ошёнаи дуюми бинои мазкур утоқҳои корӣ барои кормандон сохта мешаванд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд.
Роҳбарияти вилояти Суғд бо ҷараёни корҳои ободониву созандагӣ дар Фурудгоҳи байналмилалии Хуҷанд шинос гардид. Дастур дода шуд, ки бештар сохтмончиён ба корҳои сохтмонӣ ҷалб ва сифати корҳо назорат шавад. Масъулин вазифадор шуданд, ки сохтмончиёнро бештар ба корҳои бунёдкорӣ дар ин иншоот ҷалб намуда, сифати корҳоро назорат намоянд.
Ёдовар мешавем, ки дар Фурудгоҳи байналмилалии Хуҷанд ба истиқболи ҷашни 35-солагии Истиқлолияти давлатӣ ва баланд бардоштани сатҳу сифати хизматрасонӣ ба мусофирон, ҳамзамон саҳм гузоштан дар рушди соҳаи сайёҳӣ ва ба ин васила ҷалби бештари сайёҳони дохилу хориҷӣ корҳои созандагиву ободонӣ бомаром идома доранд.
Зимни шиносоӣ дар бинои меҳмонхона ва ошхонаву тарабхонаи нав маълумот дода шуд, ки корҳои пардозгарӣ дар дохили биноҳо идома доранд. Дар таҳхонаи ошхона ҳуҷраҳо барои тайёр кардани хӯрок ва нигоҳдории маҳсулот омода шудаанд. Бинои меҳмонхона аз 5 ошёна ва 90 ҳуҷра иборат буда, дорои 188 кат мебошад. Бинои ошхона ва тарабхона бо ҷойи нишаст барои то 300 нафар сохта шуда, дар оянда шабонарӯзӣ фаъолият хоҳанд намуд.
Дар ҳудуди фурудгоҳ инчунин коргоҳи дӯзандагӣ ташкил шуда, либосҳои махсуси корӣ барои кормандони шуъбаву хадамоти фурудгоҳ омода мешаванд.
Гуфта шуд, ки ин ҳама созандагиву бунёдкорӣ дар Фурудгоҳи байналмилалии Хуҷанд дар асоси дастуру супоришҳои Пешвои миллат муҳтарам Эмомалӣ Раҳмон ва бо мақсади сазовор пешвоз гирифтани санаҳои фархунда амалӣ мешаванд.
АКС аз бойгонӣ
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
