Дар Қазоқистон ҷаласаи Шурои ҳамоҳангсозони миллии давлатҳои аъзои Созмони ҳамкории Шанхай баргузор гардид
ДУШАНБЕ, 25.08.2023 /АМИТ «Ховар»/. 21-24 август дар Алмато ҷаласаи Шурои ҳамоҳангсозони миллии давлатҳои аъзои Созмони ҳамкории Шанхай баргузор гардид. Дар ин хусус АМИТ «Ховар» бо истинод ба Котиботи СҲШ иттилоъ медиҳад.
Ҳамоҳангсозони миллии давлатҳои аъзои Созмон доираи васеи масъалаҳои татбиқ ва омодасозии қарорҳои нави шурои сарони давлатҳо, ҳукуматҳо ва вазирони корҳои хориҷиро баррасӣ намуданд.
Дар ҷаласа лоиҳаҳои Стратегияи рушди Созмони ҳамкории Шанхай то соли 2035, ташаббусҳои Созмон «Дар бораи ваҳдати ҷаҳонӣ барои ҷаҳони одилона ва ризоият» ва Консепсияи беҳтар намудани фаъолияти он рӯнамоӣ шуданд.
Ҷонибҳо инчунин мавзуи ислоҳот ва масъалаҳои густариш, тавсеаи ҳамкорӣ бо давлатҳои нозир, шарикони муколамаи Созмони мазкур ва созмонҳои байналмилалиро баррасӣ намуданд.
Ғайр аз ин, Нақшаи чорабиниҳои СҲШ барои соли 2024 баррасӣ гардида, диққати асосӣ ба омодагӣ ба ҷаласаи Шурои сарони ҳукуматҳои давлатҳои аъзои Созмон равона шуд.
Азиза ИКРОМ,
АМИТ «Ховар»
АКС: Котиботи Созмони ҳамкории Шанхай
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
